ഓണക്കാലത്ത് പ്രേക്ഷകര്‍ക്കായി തിയേറ്ററിലേക്കെത്തിയ സൂപ്പര്‍ ഇടിപ്പടം ആര് ഡി എക്സ് നേടിയ കളക്ഷന്‍ 80 കോടി. നീരജ് മാധവ്, ഷൈന്‍ നിഗം, ആന്‍റണി വര്‍ഗീസ് തുടങ്ങിയ യുവതാരനിരകള്‍ തുല്യപ്രധാന്യമുള്ള കഥാപാത്രങ്ങളായി എത്തിയപ്പോള്‍ പ്രേക്ഷകര്‍ ആഘോഷപൂര്‍വം ചിത്രത്തെ വരവേറ്റു. കേരളത്തില്‍ നിന്നുമാത്രമായി ചിത്രത്തിന് കിട്ടിയ കളക്ഷന്‍ അന്‍പത് കോടിയാണ് ലഭിച്ചത്. ചിത്രത്തിന്റെ പ്രദര്‍ശനത്തിന് നെറ്റ്ഫ്ലിക്സ് ഒടിടി വന്‍വില കൊടുത്ത് സ്വന്തമാക്കി. ബാംഗ്ലൂര്‍ ഡേയ്സ്, കാട് പൂക്കുന്ന നേരം, മിന്നല്‍ മുരളി, മുന്തിരി വള്ളികള്‍ തളിര്‍ക്കുമ്പോള്‍ തുടങ്ങിയ ചിത്രങ്ങള്‍ നിര്‍മ്മിച്ച സോഫിയ പോളിന്‍റെ വീക്കെന്‍റ് ബ്ലോക് ബസ്ട്ടേഴ്സിന്‍റെ ബാനറിലാണ് ആര് ഡി എക്സ് നിര്‍മ്മിച്ചത്.
നവാഗതനായ നഹാസ് ഹിദായത്ത് സംവിധാനം ചെയ്ത ചിത്രത്തില്‍ ആദര്‍ശ് സുകുമാരനും ഷബാസ് റഷീദും തിരക്കഥ എഴുതി. അന്‍ബറിബാണ് സംഘട്ടനം ഒരുക്കിയത്. ബാബു ആന്‍റണി, ഐമാ റോസ്മി സെബാസ്റ്റ്യന്‍,ബൈജു, മഹിമ നമ്പ്യാര്‍, മലാ പാര്‍വതി തുടങ്ങിയവര്‍ വേഷമിട്ടു. എഡിറ്റിങ് ചമന്‍ ചാക്കോയും ഛായാഗ്രഹണം അലക്സ് ജെ പുളിക്കലും വരികള്‍ മനു മഞ്ജിത്തും, സംഗീതം സാം സി എസും നിര്‍വഹിച്ചു.
