ആന്റണി വർഗീസിനെ നായകനാക്കി പോൾ ജോർജ്ജ് സംവിധാനം ചെയ്യുന്ന ‘കാട്ടാളൻ’ എന്ന ചിത്രം ഉടൻ തിയ്യേറ്ററുകളിലേക്ക്. കെ. ജി. എഫ്, സലാർ എന്നീ സിനിമകളിലൂടെ വിസ്മയിപ്പിച്ച രവി ബസ്രുർ സംഗീതം നിർവ്വഹിക്കുന്ന ഈ ഹൈ – വോൾട്ടേജ് ആക്ഷൻ ത്രില്ലറായ ഈ ചിത്രം ഒരു പാൻ – ഇന്ത്യൻ സിനിമയായാണ് അണിയറയിൽ ഒരുങ്ങുന്നത്. യുണൈറ്റഡ് ഗ്ലോബൽ മീഡിയ വമ്പൻ ബഡ്ജറ്റിൽ നിർമ്മിക്കുന്ന ഈ ചിത്രം മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും പുറത്തിറങ്ങും. പീറ്റർ ഹെയ്‌ൻ ഉൾപ്പെടെയുള്ള പ്രമുഖർ ഒരുക്കുന്ന സംഘട്ടന രംഗങ്ങൾ ചിത്രത്തിന്റെ പ്രധാന ആകർഷണമായിരിക്കും. പ്രകൃതിയും മനുഷ്യനും തമ്മിലുള്ള സംഘർഷവും ആക്ഷനും കോർത്തിണക്കിയുള്ള പ്രമേയത്തിൽ ഒരുങ്ങുന്ന ഈ സിനിമയിൽ തെന്നിന്ത്യയിലെ മറ്റ് പ്രമുഖ താരങ്ങളും അണിനിരക്കുന്നുണ്ട്. ആന്റണി വർഗീസിന്റെ കരിയറിലെ തന്നെ ഏറ്റവും വലിയ ആക്ഷൻ സിനിമകളിൽ ഒന്നായി കരുതപ്പെടുന്ന ഈ ചിത്രം 2026 മെയ് 28- ന് തിയേറ്ററുകളിൽ എത്തുമെന്നാണ് റിപ്പോർട്ടുകൾ.