ആസിഫ് അലിയെ നായകനാക്കി പ്രജേഷ് സെൻ സംവിധാനം ചെയ്യുന്ന ‘ഹൗഡിനി- ദി കിംഗ് ഓഫ് മാജിക്’ എന്ന ചിത്രത്തിന്റെഷൂട്ടിങ് സജീവമായി പുരോഗമിച്ചുകൊണ്ടിരിക്കുന്നു. പ്രശസ്ത മാന്ത്രികൻ ഹാരി ഹൗഡിനിയുടെ ജീവിതത്തിൽ നിന്നും പ്രചോദനം ഉൾക്കൊണ്ട് ഒരുങ്ങുന്ന ഈ ചിത്രം മാന്ത്രികവിദ്യയുടെയും നിഗൂഢതയുടെയും പശ്ചാത്തലത്തിലുള്ള കഥയാണ് പറയുന്നത്. വെള്ളം,ക്യാപ്റ്റൻ, മേരി ആവാസ് സുനോ തുടങ്ങിയ ചിത്രങ്ങൾക്ക് ശേഷം പ്രജേഷ് സെൻ ഒരുക്കുന്ന ഈ വലിയ പ്രോജക്റ്റിൽ ആസിഫ് അലി തികച്ചും വ്യത്യസ്തമായ ഒരു ഗെറ്റപ്പിലാണ് പ്രത്യക്ഷപ്പെടുന്നത്. സിനിമയുടെ സാങ്കേതിക ജോലികൾ അവസാന ഘട്ടത്തിലാണെന്നും ഉടൻ തന്നെ ചിത്രം പ്രേക്ഷകരിലേക്ക് എത്തുമെന്നുമാണ് അണിയറ പ്രവർത്തകർ നൽകുന്ന സൂചന.
മജീഷ്യനായിയാണ് ആസിഫ് അലി നായകനായെത്തുന്നത്. പൂർണ്ണമായും മാജിക് പ്രമേയമാക്കി പ്രജേഷ് സെൻ സംവിധാനം ചെയ്യുന്ന ഈ ചിത്രത്തിന്റെ ഫസ്റ്റ് ലുക്ക് പോസ്റ്ററും റിലീസ് ചെയ്തു. റിലീസിന് തയ്യാറെടുക്കുന്ന ചിത്രത്തിൽ ആസിഫ് അലിയുടെ ഗംഭീര പെർഫോമൻസാണ് സൂചന നൽകുന്നതാണ് ഫസ്റ്റ് ലുക്ക് പോസ്റ്റർ. മാജിക്കിനൊപ്പം ആക്ഷനും ഇമോഷനും പ്രാധാന്യം നൽകുന്ന ഈ സിനിമ പ്രേക്ഷകർക്ക് തിയേറ്റർ എക്സ്പീരിയൻസ് സമ്മാനിക്കുന്നമെന്ന് സംവിധായകൻ പ്രജേഷ് സെൻ പറഞ്ഞു.
ക്യാപ്റ്റൻ, വെള്ളം, മേരി ആവാസ് സുനോ, ദി സീക്രട്ട് ഓഫ് വിമൻ തുടങ്ങിയ സിനിമകൾക്കു ശേഷമാണ് പ്രജേഷ് സെന്നിന്റെ പുതിയ ചിത്രം ഹൗഡിനി വരുന്നത്. ബ്ലൂ ഹിൽ നൈൽ കമ്മ്യൂണിക്കേഷന്റെ ബാനറിൽ ജോബി പി. സാം ആണ് ചിത്രത്തിന്റ നിർമ്മാണം. പ്രജേഷ്സെൻ മൂവി ക്ലബ്ബാണ് ചിത്രത്തിന്റ സഹനിർമ്മാണം. ചിത്രത്തിന്റ സിനിമാറ്റോഗ്രാഫർ നൗഷാദ് ഷെരീഫ്, എഡിറ്റർ: ബിജിത് ബാല, ആർട്ട്: ത്യാഗു തവനൂർ.
ബിജിബാൽ ആണ് ഹൗഡിനി ചിത്രത്തിന്റ സംഗീത സംവിധാനം നിർവഹിക്കുന്നത്. ‘ആകാശമായവളേ…’ എന്ന ഗാനത്തിലൂടെ ശ്രദ്ധേയനായ നിധീഷ് നടേരിയുടെതാണ് ഗാനരചന. വെള്ളത്തിന് ശേഷം സംഗീത വിസ്മയം തീർക്കാൻ പ്രജേഷ് സെൻ – ബിജിപാൽ കോംബോ എത്തുന്നു എന്നതും ഈ ചിത്രത്തിന്റ മറ്റൊരു പ്രത്യേകതയാണ്.
