സാമ്പത്തികമായി പിന്നാക്കം നിൽക്കുന്ന കലാകാരന്മാർക്ക് പിന്തുണയുമായി കൊച്ചിയിൽ സ്മൃതിസന്ധ്യയൊരുങ്ങുന്നു. സംഗീത സംഗീതസംവിധായകൻ ജോൺസൺ മാഷിന്റെയും രവീന്ദ്രൻ മാഷിന്റെയും ഗാനങ്ങളാണ് സ്മൃതിസന്ധ്യയിൽ അവതരിപ്പിക്കുക. എറണാകുളം ടൌൺ ഹാളിൽ വെച്ച് ബുധനാഴ്ച വൈകീട്ട് അഞ്ചുമണിക്ക് ആണ് പരിപാടി അരങ്ങേറുക. കൊച്ചി മുനിസിപ്പൽ കോർപ്പറേഷൻ സംരംഭമായ ആർട്സ് സ്പേസ് കൊച്ചി (ആസ്ക്), മ്യൂസിഷൻസ് കൊ- ഓർഡിനേഷൻ കമ്മിറ്റി എന്നിവരാണ് പരിപാടി നടത്തുന്നത്.
പരിപാടിയുടെ ഉത്ഘാടനം മേയർ എം അനിൽകുമാർ നിർവഹിക്കും. സ്മൃതിസന്ധ്യയിൽ മുഖ്യാതിഥിയായി എത്തുന്നത് ചലച്ചിത്രതാരം ടിനി ടോം ആണ്. രവീന്ദ്രൻ മാഷുടെ ഭാര്യ ശോഭ, ജോൺസൺ മാഷിന്റെ ഭാര്യ റാണി എന്നിവരെ ചടങ്ങിൽ ആദരിക്കും. പരിപാടിയിൽ സംഗീതസംവിധായകൻ പി ജെ ആൻറണി, ഡോ. വേണുഗോപാൽ എന്നിവര് പങ്കെടുക്കും. രവീന്ദ്രൻ മാഷുടെയും ജോൺസൺ മാഷുടെയും 25 ഒപ്പം ഗാനങ്ങൾ 16 ഗായകരും 21 പീസ് ഓർക്കസ്ട്രയുമായി അണിനിരക്കും.
pic: courtesy
