ഇന്ദ്രജിത്ത് സുകുമാരനും അനൂപ് മേനോനും ഒന്നിക്കുന്ന ‘ഞാൻ കണ്ടതാ സാറേ’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. പ്രിയദർശന്റെ സഹസംവിധായകനായിരുന്ന വരുൺ ജി. പണിക്കർ ആണ് ചിത്രം സംവിധാനം ചെയ്യുന്നത്. ഹൈലൈൻ പിക്ചേഴ്സിന്റെ ബാനറിൽ പ്രകാശ് ഹൈലനും അമീർ അബ്ദുൾ അസീസ്സും ചേർന്ന് നിർമ്മിക്കുന്ന ചിത്രമാണിത്. ചിത്രത്തിന്റെ ഫസ്റ്റ് ലുക്ക് പോസ്റ്റർ ദീപു കരുണാകരൻ പുറത്ത് വിട്ടു. നവംബർ 22- ന് ചിത്രം റിലീസ് ചെയ്യുമെന്നും പ്രഖ്യാപിച്ചു.
ഒരു ഹ്യൂമർ ത്രില്ലർ ജോണർ ആണ് ‘ഞാൻ കണ്ടതാ സാറേ ‘. സുധീർ കരമന, അബ്ദുൾ സമദ്, സാബുമോൻ, ബാലാജി ശർമ്മ, അജിത്ത് ധന്വന്തരി, മല്ലിക സുകുമാരൻ, അഞ്ജന അപ്പുക്കുട്ടൻ, സംവിധായകൻ സുരേഷ് കൃഷ്ണ, ബിജു പപ്പൻ, പാർവതി അരുൺ, ദീപു കരുണാകരൻ, ബിനോജ് കുളത്തൂർ, അർജുൻ നന്ദകുമാർ, അലൻസിയർ, തുടങ്ങിയവർ ആണ് മറ്റ് കഥാപാത്രങ്ങളായി എത്തുന്നത്. സംഗീതം മനു രമേശ്, എഡിറ്റിങ് എം എസ് അയ്യപ്പൻ നായർ, ഛായാഗ്രഹണം പ്രശാന്ത് കൃഷ്ണ.
