റോക്കട്രി ദി നമ്പി എഫക്ട് 69- മത് നാഷണല്‍ ഫിലിം അവാര്‍ഡില്‍ ദേശീയതലത്തില്‍ വെച്ച് മികച്ച സിനിമയായി തിരഞ്ഞെടുക്കപ്പെട്ടത്തില്‍ ഒത്തിരി സന്തോഷമുണ്ടെന്ന് നമ്പി നാരായണന്‍. ‘ഈ സന്തോഷം വാക്കുകളില്‍ പ്രകടിപ്പിക്കാന്‍ കഴിയില്ല. ഒന്നും ചെയ്യാത്ത തന്നെ ചാരനാക്കി മുദ്ര കുത്തി ഉപദ്രവിക്കുകയാണുണ്ടായത്. അവിടെ നിന്നാണ് ഞാന്‍ എന്‍റെ നിരപരാധിത്വം തെളിയിക്കാന്‍ ഇറങ്ങിത്തിരിച്ചത്. എന്‍റെ സത്യാവസ്ഥ ലോകത്തോട് വിളിച്ചുപറയണമെന്നുണ്ടായിരുന്നു. എന്നെ തെറ്റുകാരനായി മുദ്ര കുത്തിയ മീഡിയ തന്നെ ഇന്ന് എന്നോടു ഈ സിനിമയെക്കുറിച്ച് സംസാരിക്കുന്നു- നമ്പി നാരായണന്‍ പറഞ്ഞു. ജീവിതകഥ സിനിമയാകുന്നു എന്നറിഞ്ഞപ്പോള്‍ കുറേപ്പേര്‍ അദ്ദേഹത്തെ നിരുല്‍സാഹപ്പെടുത്തുകയാണ് ഉണ്ടായത്. സ്റ്റേ കിട്ടുമെന്നും പറഞ്ഞു. എന്നാല്‍ സിനിമ എടുക്കുക എന്ന ഇച്ഛാശക്തി തീരുമാനത്തില്‍ നിന്നും പിന്നോട്ട് വ്യതിചലിപ്പിച്ചില്ല. നിരവധി ആശങ്കകള്‍ സിനിമ നിര്‍മ്മിക്കുമ്പോള്‍ ഉണ്ടായിരുന്നു. സംവിധായകനെ മാറ്റി മാധവന്‍ തന്നെ സംവിധാനത്തിനിറങ്ങി.
‘അദ്ദേഹം ഈ സിനിമയെ ഹൃദയത്തിലേക്കാണ് എടുത്തത്. അദ്ദേഹത്തിന് ഈ സിനിമയെടുക്കണമെന്ന് എന്നെക്കാള്‍ ദൃദാനിശ്ചയമുണ്ടായിരുന്നു. അതിലെ പല സീനുകളും കാണിക്കാന്‍ സാധിച്ചില. പ്രത്യേകിച്ചും കോടതിയിലെ സീനുകള്‍. എന്നിരുന്നാലും സിനിമ നന്നായി വന്നു. കോടികള്‍ ചെലവിട്ട് എടുത്ത ആര്‍. ആറിനോട് കാശ്മീര്‍ ഫയല്‍ പോലുള്ള രാഷ്ട്രീയ സിനിമകള്‍ക്കുമൊപ്പം ഒരു അവറേജ് ബജറ്റ് പടം പുരസ്‌കാരം നേടുമ്പോള്‍ തന്നെ സിനിമ വിജയിച്ചു. ഇനിയും കൂടുതല്‍ ആളുകള്‍ സിനിമ കാണും. സിനിമ മലയാളത്തില്‍ സാമ്പത്തിക വിജയം നേടിയില്ല. കാരണം പ്രമോഷന്‍ ഒന്നും തന്നെയുണ്ടായില്ല. സിനിമയോടിയ തീയേറ്ററില്‍ പോലും ഒരു ബോര്‍ഡ് പോലും ഉണ്ടായിരുന്നില്ല. എന്നാല്‍ ആന്ധ്രയിലും തമിഴിലും ഹിന്ദിയിലും പടം മികച്ച കളക്ഷനാണ് നേടിയത്. അറുപതോളം ഹൃദയ ശസ്ത്രക്രിയകളാണ്‌ ഈ വരുമാനത്തില്‍ നിന്നും നടത്തിയത്. സാമ്പത്തിക ലാഭം ലഭിക്കാതെ അതൊന്നും ചെയ്യുക സാധ്യമല്ലല്ലോ. എന്‍റെ അഭിപ്രായത്തില്‍ സിനിമ വിജയിക്കുകയാണ് ചെയ്തത്. മാധവന്‍ നിലവില്‍ വാഷിങ്ടണ്‍ ഡിസിയിലാണ് അദ്ദേഹം ഫോണില്‍ സംസാരിച്ചു വെച്ചതേയുള്ളു. അദ്ദേഹവും സന്തോഷത്തിലാണ്.
