മറാത്തി മുന് അഭിനേത്രി സീമ ദേവ് അന്തരിച്ചു. 81- വയസ്സായിരുന്നു. വര്ദ്ധക്യസഹജമായ അസുഖത്തെ തുടര്ന്നു മുബൈയിലെ വസതിയില് വെച്ചായിരുന്നു മരണം. കോര കാഗസ് വരദക്ഷിണ ജഗച്യ പതിവാര്, എന്നീ ചിത്രങ്ങളിലൂടെ ശ്രദ്ധേയ വേഷങ്ങള് കൈകാര്യം ചെയ്തിട്ടുള്ള സീമ ദേവ് ഹിന്ദിയിലും മറാത്തിയിലുമായി എണ്പതോളം ചിത്രങ്ങളില് അഭിനയിച്ചിട്ടുണ്ട്.
ജീവന് സന്ധ്യ എന്ന 2021- ല് പുറത്തിറങ്ങിയ ചിത്രത്തിലാണ് സീമ ദേവ് ഒടുവിലായി അഭിനയിച്ചത്. അല്ഷിമേഴ്സ് രോഗബാധിത കൂടിയായിരുന്നു സീമ ദേവ്. അങ്കിജ്യ ദേവ്, അഭിനയ് ദേവ് എന്നിവരാണ് മക്കള്. അങ്കിജ്യ ദേവ് ഇന്ദ്രജിത്ത്, സന്സാര് തുടങ്ങിയ ചിത്രങ്ങളില് അഭിനയിച്ചിട്ടുണ്ട്. അഭിനയ് ദേവ് ഡല്ഹി ബെല്ലി, ഫോഴ്സ് തുടങ്ങിയ ചിത്രങ്ങളും സംവിധാനം ചെയ്തു. ഭര്ത്താവ് പരേതനായ രമേഷ് ദേവ് മുതിര്ന്ന നടന് ആണ്.
