നെടിയത്ത് പ്രൊഡക്ഷന്‍സിന്‍റെ ബാനറില്‍ നെടിയത്ത് നസീബും പി എസ് ഷെല്ലി രാജും ചേര്‍ന്ന് നിര്‍മ്മിക്കുന്ന ചിത്രം ‘വിവേകാനന്ദന്‍ വൈറലാണ്’ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. പൃഥ്വിരാജ്, നിവിന്‍ പോളി, മമ്ത മോഹന്‍ദാസ്, തുടങ്ങിയ താരങ്ങളുടെ സോഷ്യല്‍ മീഡിയ പേജുകളിലൂടെയാണ് പോസ്റ്റര്‍ റിലീസ് ചെയ്തത്. ചിത്രത്തിന്റെ രചനയും സംവിധാനവും കമലിന്‍റേതാണ്.
ഷൈന്‍ ടോം നായകനായി എത്തുന്ന ചിത്രത്തില്‍ സ്വാസിക, ഗ്രേസ് ആന്‍റണി, മെറീന മൈക്കിള്‍, നീന കുറുപ്പ്, സിദ്ധാര്‍ഥ് ശിവ, ജോസൂകുട്ടി, അനുഷ മോഹന്‍, മാല പാര്‍വതി, മഞ്ജു പിള്ള, ആദ്യ, ശരത് സഭ, നിയാസ് ബക്കര്‍, സ്മിനു സിജോ, രമ്യ സുരേഷ്, പ്രമോദ് വെളിനാട്, വിനീത് തട്ടില്‍ തുടങ്ങിവരും ചിത്രത്തില്‍ അഭിനയിക്കുന്നു. ഛായാഗ്രഹണം പ്രകാശ് വേലയുധനനും എഡിറ്റിങ് രഞ്ജന്‍ എബ്രാഹാമും ഗാനരചന ബി കെ ഹരിനാരായണനും സംഗീതം ബിജിപാലും നിര്‍വഹിക്കുന്നു.
