‘ആടുജീവിത’ത്തിന്റെ ഉള്ളുലയ്ക്കുന്ന പുതിയ പോസ്റ്റർ പുറത്ത് വിട്ടു. പൃഥ്വിരാജിനെ നായകനാക്കി ബെന്യാമിന്റെ മാസ്റ്റർപീസ് നോവൽ ‘ആടുജീവിത ‘ത്തെ മുൻനിർത്തി ബ്ലെസി സംവിധാനം ചെയ്ത ചിത്രമാണിത് . ലോകസിനിമയെമ്പടും സിനിമ തരംഗം സൃഷ്ടിക്കുമെന്നതിന് തെളിവാണ് പൃഥ്വിരാജിന്റെ ഗംഭീര മേക്കോവറിൽ പുറത്ത് വരുന്ന ഓരോ പോസ്റ്ററുകളും. ബ്ലെസ്സിയുടെയും പൃഥ്വിരാജിന്റെയും കരിയറിലെ ഏറ്റവും മികച്ച ചിത്രമായേക്കും ആടുജീവിതം. മരുഭൂമിയിൽ ജീവിക്കേണ്ടിവരുന്ന നജീബിലേക്കുള്ള പൃഥ്വിരാജിന്റെ മേക്കോവർ എടുത്തുപറയേണ്ടതാണ്.
ജോർദാനിൽ വെച്ചായിരുന്നു ചിത്രത്തിന്റെ ഷൂട്ടിംഗ് സിംഹഭാഗവും നടന്നത്. കഴിഞ്ഞ വര്ഷം ജൂലൈ ചിത്രത്തിന്റെ ഷൂട്ടിംഗ് പൂർത്തിയാക്കി. പൃഥ്വിരാജിന്റെ നായികയായി എത്തിയത് അമല പോൾ ആണ്. ഹോളിവുഡ് നടനായ ജിമ്മി ജിൻ ലൂയിസ്, അറബ് അഭിനേതാക്കളായ താലിബ് അൽ ബലൂഷി, റിക്കബി, കെ ആർ ഗോകുൽ തുടങ്ങി മലയാളത്തിലെഉയും തമിഴിയിലെയും ഹിന്ദിയിലെയും തെലുങ്കിലെയും അഭിനേതാക്കൾ ചിത്രത്തിൽ അണിനിരന്നിട്ടുണ്ട്. സംഗീതം എ ആർ റഹ്മാൻ, ശബ്ദമിശ്രണം റസൂൽപൂക്കുട്ടി, ഛായാഗ്രഹണം സുനിൽ കെ എസ്, എഡിറ്റിങ് ശ്രീകർ പ്രസാദ്. ഏപ്രിൽ 10 ന് ചിത്രം തിയ്യേറ്ററുകളിൽ എത്തും.
