ആസിഫ് അലിയെ നായകനാക്കി ഓസ്കര്‍ ജേതാവ് റസൂല്‍ പൂക്കുട്ടി സംവിധാനം ചെയ്യുന്ന ചിത്രം ഒറ്റയുടെ റിലീസ് തീയതി പ്രഖ്യാപിച്ചു. ഒക്ടോബര്‍ 27- നു ചിത്രം തിയ്യേറ്ററുകളിലേക്ക് എത്തും. ഇതോടെ റസൂല്‍ പൂക്കുട്ടിയുടെ ഏറെക്കാലങ്ങളായുള്ള സ്വപ്നം സാക്ഷാത്കരിക്കപ്പെടുകയാണ്. ചില്‍ഡ്രന്‍ റീ യുണൈറ്റഡ് എല്‍ എല്‍ പിയും റസൂല്‍ പൂക്കുട്ടിയും ചേര്‍ന്ന് ഒരുക്കുന്ന ചിത്രത്തിന്റെ നിര്‍മാതാവ് എസ് ഹരിഹരനാണ്. ആസിഫ് അലി നായകനായി എത്തുന്ന ‘ഒറ്റ’യില്‍ സത്യരാജ്, അര്‍ജുന്‍ അശോകന്‍, രഞ്ജി പണിക്കര്‍, സുധീര്‍ കരമന, ഇന്ദ്രജിത്ത്, ഇന്ദ്രന്‍സ്, ആദില്‍ ഹുസൈന്‍, ബൈജു പൂക്കുട്ടി, ദിവ്യ ദത്ത, മമ്ത മോഹന്‍ദാസ്, ഭാവന രാമണ്ണ, ജലജ, ലീന കുമാര്‍, ജയപ്രകാശ് കൃഷ്ണന്‍ തുടങ്ങിയവരും അഭിനയിക്കുന്നു.
എം ജയചന്ദ്രന്‍റെ സംഗീതത്തില്‍ വൈരമുത്തുവും റഫീഖ് അഹമ്മദും വരികള്‍ എഴുതുന്നു. ആലാപനം: എം ജയചന്ദ്രന്‍, പി ജയചന്ദ്രന്‍, ജാസി ഗിഫ്റ്റ്, ശങ്കര്‍ മഹാദേവന്‍, ബെന്നി ദയാല്‍, ശ്രേയ ഘോഷാല്‍, ജാസി ഗിഫ്റ്റ്, അല്‍ഫോണ്‍സ് എന്നിവരാണ്. രചന: കിരണ്‍ പ്രഭാകര്‍, സൌണ്ട് എഞ്ചിനീയര്‍: റസൂല്‍ പൂക്കുട്ടി, വിജയകുമാര്‍. ഛായാഗ്രാഹകന്‍: അരുണ്‍ വര്‍മ്മ, എഡിറ്റര്‍: സിയാന്‍ ശ്രീകാന്ത്.
