മമ്മൂട്ടിയും ഖാലിദ് റഹ്മാനും വീണ്ടും ഒന്നിക്കുന്ന മാസ് ആക്ഷൻ ചിത്രം’മട്ടാഞ്ചേരി മാഫിയ’ ഉടൻ

ഖാലിദ് റഹ്മാൻ സംവിധാനം ചെയ്യുന്ന മമ്മൂട്ടി ചിത്രമായ ‘മട്ടാഞ്ചേരി മാഫിയ’ ഉടൻ ചിത്രീകരണം ആരംഭിക്കുന്നു. മലയാള സിനിമയിലെ വരാനിരിക്കുന്ന ഏറ്റവും വലിയ ഗ്യാങ്സ്റ്റർ ഡ്രാമകളിൽ ഒന്നായാണ് എഎ ചിത്രത്തെ വിലയിരുത്തപ്പെടുന്നത്. ‘ഉണ്ട’ എന്ന ചിത്രത്തിന് ശേഷം മമ്മൂട്ടിയും ഖാലിദ് റഹ്മാനും വീണ്ടും ഒന്നിക്കുന്നു എന്ന പ്രത്യേകതയും ഈ പ്രോജക്റ്റിനുണ്ട്. മമ്മൂട്ടിക്കൊപ്പം യുവതാരങ്ങളായ ആസിഫ് അലിയും നസ്‌ലിനും പ്രധാന വേഷങ്ങളിൽ എത്തുന്നു എന്നതാണ് ചിത്രത്തിന്റെ മറ്റൊരു ആകർഷണം. മട്ടാഞ്ചേരിയിലെ അധോലോകത്തിന്റെ പശ്ചാത്തലത്തിൽ ഒരുങ്ങുന്ന ഒരു മാസ് ആക്ഷൻ ചിത്രമായിരിക്കും ഇതെന്നാണ് സൂചനകൾ. ചിത്രത്തിന്റെ പ്രീ പ്രൊഡക്ഷൻ ജോലികൾ പുരോഗമിക്കുകയാണ്. സെപ്റ്റംബറിൽ ചിത്രീകരണം ആരംഭിക്കും. ഖാലിദ് റഹ്മാന്റെ മുന്നത്തെ ചിത്രമായ ‘തല്ലുമാല’പോലെ തന്നെ സ്റ്റൈലിഷ് ആയ മേക്കിംഗും മികച്ച ആക്ഷൻ രംഗങ്ങളും ഈ സിനിമയിലും പ്രതീക്ഷിക്കാം. മമ്മൂട്ടി കമ്പനിയാണ് ചിത്രം നിർമ്മിക്കുന്നത്.