തിയ്യേറ്ററിലേക്ക് ഒരുങ്ങി റാഹേല്‍ മകന്‍ കോര

ഉബൈദിന്‍റെ സംവിധാനത്തില്‍ ഒരുങ്ങുന്ന ചിത്രം റാഹേല്‍ മകന്‍ കോര ഒക്ടോബര്‍ പതിമൂന്നിന് തിയ്യേറ്ററുകളിലേക്ക് പ്രദര്‍ശനത്തിന് എത്തും. എസ് കെ ഫിലിംസിന്‍റെ ബാനറില്‍ ഷാജി കെ ജോര്‍ജ്ജാണ് ചിത്രം നിര്‍മ്മിക്കുന്നത്. കുടുംബ ബന്ധത്തിനു പ്രാധാന്യമുള്ള ചിത്രമാണ് റാഹേല്‍ മകന്‍ കോര. ട്രാന്‍സ്പോര്‍ട്ട് ബസ്സില്‍ കണ്ടക്ടര്‍ ആയെത്തുന്ന ചെറുപ്പക്കാരന്‍റെ കഥയാണിതില്‍. ആന്‍സണ്‍ പോള്‍ നായകനായി എത്തുന്ന ചിത്രത്തില്‍ മെറിന്‍ ഫിലിപ്പാന് നായികയായി എത്തുന്നത്. റാഹേല്‍ എന്ന കഥാപാത്രമായി സ്മിനു സിജോയിയും എത്തുന്നു. വിജയകുമാര്‍, മനു പിള്ള, അയോദ്ധ്യാ ശിവന്‍, കോട്ടയം പുരുഷു, ബേബി എടത്വ, ജോപ്പന്‍ മുറിയാനിക്കല്‍, മഞ്ജു, രശ്മി അനില്‍, അര്‍ണവ് വിഷ്ണു, ഹൈദരാലി, ബ്രൂസ്ലി രാജേഷ്, അല്‍ത്താഫ് സലീം, മധു പുന്നപ്ര, രാജേഷ് കോട്ടയം, തുടങ്ങിയവരും വേഷമിടുന്നു. തിരക്കഥ ജോബി എടത്വ. വരികള്‍ മനു നാരായണന്‍, ഹരി നാരായണന്‍, സമ്ഗെതമ് കൈലാസ് മേനോന്‍. ഛായാഗ്രഹണം ഷിജു ജയദേവന്‍, എഡിറ്റിങ് അബു താഹിര്‍.