‘മൂന്നാംഘട്ട’ത്തില്‍ രഞ്ജി വിജയന്‍; മലയാള ചിത്രത്തിന്‍റെ ഷൂട്ടിംഗ് നടന്നത് യു കെ യില്‍

പൂര്‍ണമായും യുകെ യില്‍ ചിത്രീകരിച്ച മൂന്നാംഘട്ടത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. രഞ്ജി വിജയന്‍ ആണ് ചിത്രത്തില്‍ പ്രധാന കഥാപാത്രമായി അഭിനയിക്കുന്നത്. സ്വപ്നരാജ്യം, 8119 മൈല്‍സ് എന്നീ ചിത്രങ്ങള്‍ക്ക് ശേഷം രഞ്ജി വിജയന്‍ അഭിനയിക്കുന്ന ചിത്രമാണ് മൂന്നാംഘട്ടം. ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. മാല പാര്‍വതി, അനൂപ് കൃഷ്ണന്‍, സുനില്‍ സൂര്യ, സുനില്‍ സുഖദ, ആര്‍ എസ് വിമല്‍, ബിയോണ്‍, ലിന്‍റു റോണി, മാത്യു തോമസ്, ബിനോ അഗസ്റ്റിന്‍, ഫ്രാന്‍സിസ് ജോസഫ് മീര, ഷെഫ് ജോമോന്‍, തുടങ്ങിയവര്‍ പ്രധാന വേഷങ്ങളില്‍ എത്തുന്നു. സ്വപ്ന രാജ്യത്തിന് ശേഷം രഞ്ജി വിജയന്‍ തന്നെയാണ് ചിത്രത്തിന്‍റെ രചനയും സംവിധാനവും. യവനിക ടാക്കീസിന്‍റെ ബാനറില്‍ ഒരുങ്ങുന്ന ചിത്രമാണ് മൂന്നാംഘട്ടം. ചിത്രത്തില്‍ നിരവധി പുതുമുഖങ്ങളും അഭിനയിക്കുന്നുണ്ട്.