ആസിഫ് അലി നായകനായി എത്തുന്ന ഏറ്റവും പുതിയ  ചിത്രത്തിന്റെ ഷൂട്ടിംഗ് ഉടൻ

കാവ്യ ഫിലിംസ് കമ്പനിയുടെയും ആൻ മെഗാ മീഡിയയുടെയും ബാനറിൽ ജോഫിൻ ടി ചാക്കോ സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ ഷൂട്ടിങ് ഉടൻ. ചിത്രത്തിന്റെ പൂജാ ചടങ്ങുകൾ എറണാകുളം ഫോർട്ട് കൊച്ചി സി എസ് ഐ ഹെറിടെജ് ബംഗളൊയിൽ വെച്ച് നടന്നു. മമ്മൂട്ടിയെ നായകനാക്കി പുറത്തിറങ്ങിയ ‘ദി പ്രീസ്റ്റ്’ ആണ് ജോഫിൻ ടി ചാക്കോയുടെ മുൻപ് ഇറങ്ങിയ മറ്റൊരു സിനിമ. വേണു കുന്നപ്പിള്ളിയും ആന്റോ ജോസഫും ചേർന്നാണ് നിർമ്മാണം. ജോഫിൻ ടി ചാക്കോയുടെയും രാമു സുനിലിന്റെയും കഥയ്ക്ക് ജോൺ മാന്ത്രിക്കലിന്റെതാണ് തിരക്കഥ. ആസിഫ്അലി, അനശ്വര രാജൻ, മനോജ് കെ ജയൻ എന്നിവരാണ് പ്രധാനകഥാപാത്രങ്ങൾ. ഛായാഗ്രഹണം അപ്പു പ്രഭാകർ, സംഗീതം രാഹുൽ രാജ്.