ചലച്ചിത്ര നടൻ മേഘനാഥൻ അന്തരിച്ചു

പ്രമുഖ ചലച്ചിത്ര നടൻ മേഘനാഥൻ അന്തരിച്ചു. 60- വയസ്സായിരുന്നു. ശ്വാസകോശസംബന്ധമായ അസുഖത്താൽ കോഴിക്കോട് സ്വകാര്യ ആശുപത്രിയിൽ ഏറെനാളായി ചികിത്സയിലായിരുന്നു. പ്രമുഖ ചലച്ചിത്ര അഭിനേതാവ് ബാലൻ കെ നായരുടെയും ശാരദാ നായരുടെയും മകനാണ്. ചെങ്കോൽ, ഈ പുഴയും കടന്ന്, ചന്ദ്രനുദിക്കുന്ന ദിക്കിൽ, ഒരു മറവത്തൂർ കനവ്, തുടങ്ങി നിരവധി സിനിമകളിൽ അഭിനയിച്ചു. ചെന്നൈയിൽ ഓട്ടോമൊബൈൽ എഞ്ചിനീയറിങ്ങിന് ശേഷം സിനിമയിലേക്ക് ശ്രദ്ധ തിരിക്കുകയായിരുന്നു. 1983- ല പുറത്തിറങ്ങിയ പി എൻ മേനോൻ സംവിധാനം ചെയ്ത അസ്ത്രം ആണ് അദ്ദേഹം ആദ്യം അഭിനയിച്ച ചിത്രം. നാല്പത് കൊല്ലത്തോളം നീണ്ടുനിന്ന അഭിനയ ജീവിതത്തിൽ അൻപതോളം  സിനിമകളിൽ വേഷമിട്ടു. നിരവധി വില്ലൻ കഥാപാത്രങ്ങളും ക്യാരക്ടർ വേഷങ്ങളും ഇദ്ദേഹം ചെയ്തിട്ടുണ്ട്. ഒടുവിൽ അഭിനയിച്ചത് കടലോളം എന്ന മ്യൂസിക്കൽ ഹ്രസ്വചിത്രത്തിലാണ്. ഭാര്യ: സുസ്മിത, മകൾ പാർവതി. സംസ്കാരം ഷോർണ്ണൂരിലുള്ള വീട്ടിൽ വെച്ച് നടക്കും.