പുതുമുഖങ്ങളെ തേടി സംവിധായകൻ ടോം ഇമ്മട്ടി; നായകനായി എത്തുന്നത് വിനായകൻ

വിനായകനെ നായകനാക്കിക്കൊണ്ട് സംവിധായകൻ ടോം ഇമ്മട്ടി സംവിധാനം ചെയ്യുന്ന ഏറ്റവും പുതിയ ചിത്രം ‘പെരുന്നാളി’ലേക്ക് പുതുമുഖങ്ങൾക്കും അവസരം. ചിത്രത്തിന്റെ പേരിനൊപ്പം ‘ക്രോവേന്മാരും സ്രാപ്പേന്മാരും’  എന്ന ടാഗ് ലൈനും ചേർത്തിട്ടുണ്ട്. ടൊവിനോ തോമസിനെ നായകനാക്കി ഒരു മെക്സിക്കൻ അപാരത, ആൻസൺ പോളിനെ പ്രധാനകഥാപാത്രമാക്കി ഗാമ്ബ്ലർ  എന്നീവയാണ് ടോം ഇമ്മാട്ടി സംവിധാനം ചെയ്ത മറ്റ് ചിത്രങ്ങൾ. അഞ്ചിനും പതിനഞ്ചിനും ഇടയിലുള്ള ആൺ- പെൺകുട്ടികൾക്കും ഇരുപതിനും മൂപ്പത്തിയഞ്ചിനും നാല്പതിനും എഴുപതിനും ഇടയിലുള്ള സ്ത്രീ- പുരുഷന്മാർക്കും ആണ് ചിത്രത്തിൽ അഭിനയിക്കുവാനുള്ള അവസരം. അഭിനയിക്കുവാൻ താല്പര്യമുള്ളവർ എഡിറ്റ് ചെയ്യാത്ത രണ്ട് ഫോട്ടോയും മുപ്പത് സെക്കന്റ് ദൈർഘ്യമുള്ള  പെർഫോമൻസ് വീഡിയോയും നവംബർ 11 ന് മുന്നേ perunnalmovie@gmail.Com എന്ന ഇമയിൽ ഐഡിയിൽ അയക്കണം.