മുത്തച്ഛനായി നെടുമുടി വേണു ഒടുവില്‍ അഭിനയിച്ച ചിത്രം ‘കോപം’ റിലീസിന്

കൊച്ചുമകളുടെയും മൂത്തച്ഛന്‍റെയും ആത്മബന്ധം പറയുന്ന ചിത്രം കോപം ഒക്ടോബര്‍- 6 നു തിയ്യേറ്ററുകളിലേക്ക് എത്തുന്നു. അന്തരിച്ച നടന്‍ നെടുമുടി വേണു അവസാനമായി അഭിനയിച്ച ചിത്രം എന്ന പ്രത്യേകത കൂടി ചിത്രത്തിനുണ്ട്. ഗണപതി അയ്യര്‍ എന്ന കഥാപാത്രമായി നെടുമുടി എത്തുമ്പോള്‍ അഞ്ജലി കൃഷ്ണ മീനാക്ഷി എന്ന കൊച്ചുമകളുടെ വേഷത്തിലും എത്തുന്നു. ശ്യാം നമ്പൂതിരി, വിദ്യാ വിശ്വനാഥ്, അലിഫ് ഷാ, സംഗീത് ചിക്കു, അലന്‍ ബ്ലസീന, ദാവീദ് ജോണ്‍, വിനോദ്, സാജന്‍ ധ്രുവ് തുടങ്ങിവരും മറ്റ് കഥാപാത്രങ്ങളായി എത്തുന്നു. കഥ- തിരക്കഥ-സംഭാഷണം- സംവിധാനം- നിര്‍മാണം കെ മഹേന്ദ്രന്‍ നിര്‍വഹിക്കുന്നു. ഛായാഗ്രഹണം റോണി സായ് ആറ്റിങ്ങല്‍, ഗാനരചന സജി ശ്രീവല്‍സം, എഡിറ്റിങ് ശരണ്‍ ജി ഡി, സംഗീതം- പശ്ചാത്തല സംഗീതം രാജേഷ് വിജയ്.