കാളിദാസ് ജയറാം നായകനായി എത്തി തിയ്യേറ്ററിൽ വിജയകരമായി പ്രദർശനം തുടരുന്ന ഏറ്റവും പുതിയ ചിത്രത്തിന്റെ ടീസർ പുറത്തിറങ്ങി. സൂപ്പർ സ്റ്റാർ രജനികാന്തിന്റെ ജന്മദിനത്തിന് ആശംസകളോടെയാണ് ടീസർ പുറത്തിറങ്ങിയിരിക്കുന്നത്. ഒരു ക്രൈം ത്രില്ലർ മൂവിയാണ് രജനി. നവാഗതനായ വിനിൽ സ്കറിയ വർഗീസ് തിരക്കഥ എഴുതി സംവിധാനം ചെയ്ത ചിത്രത്തിന്റെ നിർമ്മാണം നവരസ ഫിലിംസിന്റെ ബാനറിൽ ആദ്യമായി നിർമ്മിക്കുന്ന ചിത്രം കൂടിയാണ്. ശ്രീജിത്ത് കെ എസ്, ബ്ലെസ്സി ശ്രീജിത്ത് തുടങ്ങിയവരാണ് ചിത്രം നിർമ്മിക്കുന്നത്.
സൈജു കുറുപ്പ്, നമിത പ്രമോദ്, ശ്രീകാന്ത് മുരളി, രമേഷ് ഖന്ന, അശ്വിൻ കുമാർ, ലക്ഷ്മി ഗോപാല സ്വാമി, ഷോൺ റോമി, റെബ മോണിക്ക ജോൺ, വിൻസന്റ് വടക്കൻ, കരുണാകരൻ, പൂ രാമു, ഷോൺ റോമി തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ. സിനിമയുടെ ചിത്രീകരണം ചെന്നൈ, കൊച്ചി എന്നിവിടങ്ങളിൽ പൂർത്തിയാക്കി. മലയാളത്തിലും തമിഴിലുമാണ് ചിത്രം എത്തുക. എഡിറ്റിങ് ദീപു ജോസഫ്, സംഗീതം 4 മ്യൂസിക്, ഛായാഗ്രഹണം ആർ. ആർ വിഷ്ണു, എഡിറ്റിങ് ദീപു ജോസഫ്.
