ജോജു ജോര്‍ജ്ജും ഐശ്വര്യ രാജേഷും ലിജോ മോളും പ്രധാന കഥാപാത്രങ്ങളായി എത്തുന്ന ചിത്രം പുലിമട ഒക്ടോബര്‍ 26- നു തിയ്യേറ്ററിലേക്ക് എത്തുന്നു. ചിത്രത്തിന്‍റെ ടീസറുകളും പോസ്റ്ററുകളും ശ്രദ്ധേയമായിരുന്നു. ഒരു പാന്‍ ഇന്‍ഡ്യന്‍ ചിത്രം കൂടിയാണ് പുലിമട. എ കെ സാജന്‍ തന്നെയാണ് ചിത്രത്തിന് കഥയും തിരക്കഥയും എഡിറ്റിങ്ങും നിര്‍വഹിക്കുന്നത്. ഐന്‍സ്റ്റീന്‍ മീഡിയയുടെയും ലാന്‍ഡ് സിനിമാസിന്‍റെയും ബാനറില്‍ രാജേഷ് ദാമോദരനും ഐന്‍സ്റ്റീന്‍ സാക് പോലും ചേര്‍ന്നാണ് ചിത്രം നിര്‍മ്മിക്കുന്നത്.
ജോജു ജോര്‍ജ്ജ് നായകനായ ‘ഇരട്ട’ എന്ന ചിത്രത്തിന് ശേഷം ഒരുങ്ങുന്ന സിനിമയാണ് പുലിമട. സംവിധായകനും ഛായാഗ്രാഹകനുമായ വേണുവാണ് ക്യാമറ. ബാലചന്ദ്ര മേനോന്‍, ജാഫര്‍ ഇടുക്കി,അബു സലീം, ജിയോ ബേബി, കൃഷ്ണ പ്രഭ, ചെമ്പന്‍ വിനോദ്, സോന നായര്‍, പൌളി വില്‍സണ്‍, ശിബിള തുടങ്ങിയവര്‍ പ്രധാന വേഷത്തില്‍ എത്തുന്നു. 60- ദിവസം കൊണ്ടാണ് ഷൂട്ടിംഗ് പൂര്‍ത്തിയാക്കിയത്. സംഗീതം ഇഷാന്‍ ഡേവ്, പശ്ചാത്തല സംഗീതം അനില്‍ ജോണ്‍സണ്‍.
