ബിബിൻ ജോർജ്ജിനെ നായകനാക്കി ഷാനു കാക്കൂർ, ഷാഫി എപ്പിക്കാട് എന്നിവർ ചേർന്ന് സംവിധാനം ചെയ്യുന്ന ഏറ്റവും പുതിയ ചിത്രം ‘കൂടൽ’ ചിത്രീകരണം ആരംഭിച്ചു. പാലക്കാടും കോയമ്പത്തൂരുമായാണ് ഷൂട്ടിംഗ്. മണികണ്ഠൻ പെരുമ്പടപ്പ്, ചിത്രത്തിൽ മറ്റൊരു പ്രധാനകഥാപാത്രമായി എത്തുന്നുണ്ട്. മണ്ണാർക്കാട്, അട്ടപ്പാടി, മലയാറ്റൂർ എഎന്നിവയാണ് മറ്റ് ലൊക്കേഷനുകൾ. പി ആൻഡ് ജെ പ്രൊഡക്ഷൻസിന്റെ ബാനറിൽ ജിതിൻ കെ വി ആണ് നിർമാണം.
മറീന മൈക്കിൾ ,അനു സിതാരയുടെ സഹോദരി അനു സോരൻ എന്നിവരും പ്രധാനകഥാപാത്രങ്ങളായി എത്തുന്നുണ്ട്. വിനീത് തട്ടിൽ, തമിഴ് സംവിധായകൻ കാർത്തിക് സുബ്ബരാജിന്റെ പിതാവ് ഗജരാജ്, വിജിലേഷ്, റാഫി ചക്കപ്പഴം, അർച്ചന രഞ്ജിത്, ലാലി, അഖിൽഷാ, വിജയകൃഷ്ണൻ, സ്നേഹ വിജയൻ, അലി അരങ്ങാടത്ത്, ദാസേട്ടൻ കോഴിക്കോട് തുടങ്ങിയയവർ ആണ് ചിത്രത്തിലെ മറ്റ് അഭിനേതാക്കൾ. ഷാഫി എപ്പിക്കാടിന്റെതാണ് കഥയും തിരക്കഥയും സംഭാഷണവും. ഛായാഗ്രഹണം ശജീർ പപ്പ.
