ചലച്ചിത്ര സംവിധായകൻ മോഹൻ അന്തരിച്ചു

വിട പറയും മുൻപേ, ശാലിനി എന്റെ കൂട്ടുകാരി, രണ്ട് പെൺകുട്ടികൾ തുടങ്ങി ശ്രദ്ധേയ സിനിമകളുടെ സംവിധായകൻ മോഹൻ അന്തരിച്ചു. കൊച്ചിയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. മലയാള സിനിമയിൽ പുതു കാഴ്ചപ്പാടോടു കൂടി സിനിമ നിർമ്മിച്ച സംവിധായകൻ കൂടിയാണ് മോഹൻ. കലാപരമായും വാണിജ്യപരമായും അദ്ദേഹം സിനിമയെ സമീപിച്ചിട്ടുണ്ട്. അത് വരെ ആരും സമീപിക്കാത്ത പ്രമേയമാണ് മോഹൻ സിനിമകളുടെ പ്രത്യേകത. രണ്ട് പെൺകുട്ടികൾ അത്തരമോരു സിനിമയാണ്. 1978 ൽ വാടക വീട് എന്ന സിനിമയിലൂടെ സിനിമാരംഗത്ത് നാന്ദികുറിച്ചു മോഹൻ. ശാലിനി എന്റെ കൂട്ടുകാരി മലയാള സിനിമയിലെ ഏറ്റവും ശ്രദ്ധേയമായ ചലച്ചിത്രങ്ങളിൽ നന്നായി ഇടം നേടി. വിടപറയും മുൻപേ എന്ന ചിത്രത്തിലെ നെടുമുടി വേണുവിന്റെ അഭിനയം ഗംഭീരമായി പ്രേക്ഷകരിലേക്ക് എത്തി. പക്ഷേ, അങ്ങനെയൊരു അവധിക്കാലത്ത്, മംഗളം നേരുന്നു, തീർഥം, മുഖം എന്നീ ചിത്രങ്ങളും വെള്ളിത്തിരയിൽ ശ്രദ്ധേയമായി. 2005 ൽ പുറത്തിറങ്ങിയ കാമ്പസ് ആണ് ഒടുവിൽ സംവിധാനം ചെയ്ത ചിത്രം. ഭാര്യ അനുപമ. മക്കൾ, പുരന്ദർ മോഹൻ, ഉപേന്ദർ മോഹൻ.