ദൃശ്യം പരമ്പരയുടെ ദൃശ്യം 3- ഏറ്റവും പുതിയ ക്യാരക്ടർ പോസ്റ്റർ പുറത്തിറങ്ങി. ചിത്രത്തിലെ നായിക മീനയുടെ പിറന്നാൾ ദിനത്തോടനുബന്ധിച്ചാണ് ചിത്രത്തിന്റെ ക്യാരക്ടർ പോസ്റ്റർ പുറത്തിറങ്ങിയത്. ദൃശ്യം 3 ഉടൻ പ്രേക്ഷകർക്ക് മുന്നിലേയ്ക്ക് എത്തുമെന്ന് സംവിധായകൻ ജിത്തു ജോസഫ് പറഞ്ഞു. ‘ഞങ്ങളുടെ റാണിക്ക് പിറന്നാളാശംസകൾ’ എന്നാണ് പോസ്റ്ററിൾ കുറിച്ചിരിക്കുന്നത്. ‘ഭൂതകാലം ഒരിക്കലും നിശബ്ദമായി ഇരിക്കില്ല’ എന്നാണ് ചിത്രത്തിന്റെ ടാഗ് ലൈൻ.
മോഹൻലാലിനെ നായകനാക്കിയ ദൃശ്യം ഒന്നും ദൃശ്യം രണ്ടും പ്രേക്ഷകരുടെ നിറഞ്ഞ കയ്യടികൾ നേടിയ ചിത്രങ്ങളാണ്. ദൃശ്യം 3 യും അത്തരം കിടിലൻ സിനിമയായിരിക്കുമെന്ന് ഉറപ്പ് തരികയാണ് ജിത്തു ജോസഫും മറ്റ് അണിയറ പ്രവർത്തകരും. നിലവിൽ ചിത്രത്തിന്റെ ക്ലൈമാക്സ് എഴുതി തീർത്തിരിക്കുകയാണ്. മറ്റ് രണ്ട് സിനിമകളുടെ ഷൂട്ടിങിന് ഇടയിലാണ് ഈ ചിത്രത്തിന്റെ തിരക്കഥ എഴുതി തീർത്താതെന്ന് ജിത്തു ജോസഫ് ഒരു അഭിമുഖത്തിൽ പറഞ്ഞു. ആശീർവാദ് സിനിമാസ് ആണ് ചിത്രം നിർമ്മിക്കുന്നത് . ചിത്രത്തിന്റെ ഷൂട്ടിംഗ് ഒക്ടോബറിൽ ആരംഭിക്കും.
