നവാഗതനായ രാജാസാഗർ സംവിധാനവും മാധ്യമ പ്രവർത്തകനായ ഡോ ജി കിഷോർ കഥയും തിരക്കഥയും നിർവഹിക്കുന്ന ചിത്രം ‘താൾ’ പുതിയ ടീസർ പുറത്തിറങ്ങി. ഒരു ക്യാംപസ് ത്രില്ലർ ജോണിൽ ഒരുങ്ങുന്ന ചിത്രമാണ് താൾ. ഗ്രേറ്റ് അമേരിക്കൻ ഫിലിംസിന്റെ ബാനറിൽ അമേരിക്കൻ മലയാളികളായ ക്രിസ് തോപ്പിൽ, നിശീൽ കമ്പാട്ടി, മോണിക്ക കമ്പാട്ടി, തുടങ്ങിയവരാണ് ചിത്രം നിർമ്മിക്കുന്നത്.
ഡിസംബർ 8- ന് ചിത്രം തിയ്യേറ്ററുകളിൽ എത്തും. ആൻസൺ പോൾ, ആരാദ്ധ്യ ആൻ, രാഹുൽ മാധവ് തുടങ്ങിയവരാണ് പ്രധാന കഥാപാത്രങ്ങൾ. രണ്ടു കാലഘട്ടങ്ങളിലെ രണ്ട് കോളേജുകളിലെ കഥയാണ് പ്രമേയം. രഞ്ജി പണിക്കർ, സിദ്ധാർഥ് ശിവ, ശ്രീധന്യ, ദേവി അജിത്ത്, നോബി, അരുൺകുമാർ, മറീന മൈക്കിൾ, രോഹിണി, വിവിയ ശാന്ത്, തുടങ്ങിയവരാണ് മറ്റ് അഭിനേതാക്കൾ. ഛായാഗ്രഹണം സിനു സിദ്ധാർഥ്, സംഗീതം ബിജിപാൽ, വരികൾ ബി കെ ഹരിനാരായണൻ.
