എന്‍റര്‍ടൈമെന്‍റ് ചിത്രമായ ജാക്സണ്‍ ബസാര്‍ യൂത്തിലെ പള്ളിമുറ്റത്തെ അടിപൊളി ബാന്‍ഡ് മേളവുമായി പുറത്തിറങ്ങി. നവാഗതനായ ശമല്‍ സുലൈമാന്‍ സംവിധാനം ചെയ്യുന്ന ചിത്രത്തില്‍ സുഹൈല്‍ കോയയുടെ വരികള്‍ക്ക് സംഗീതം പകര്‍ന്നിരിക്കുന്നത് ഗോവിന്ദ് വസന്തയാണ്. മത്തായി സുനിലും ഗോവിന്ദ് വസന്തയും ചേര്‍ന്നാണ് ഈ ഗാനം പാടിയിരിക്കുന്നത്.
ക്രോസ് ബോര്‍ഡര്‍ ക്യാമറയുടെ ബാനറില്‍ ചിത്രീകരിക്കുന്ന ജാക്സണ്‍ ബസാറില്‍ ഇന്ദ്രന്‍സ്, ജാഫര്‍ ഇടുക്കി, ലൂക് മാന്‍, അവറാന്‍, അഭിറാം രാധാകൃഷ്ണന്‍, ചിന്നു ചാന്ദിനി തുടങ്ങിയവര്‍ പ്രധാന വേഷത്തിലെത്തുന്നു. ഉസ്മാന്‍ മരാത്തിന്‍റെ രചനയില്‍ അപ്പുഭട്ടതിരിയും ഷൈജാസ് തുടങ്ങിയവര്‍ എഡിറ്റിങ് ചെയ്യുന്നു. ചിത്രത്തിന്റെ ഛായാഗ്രഹണം കണ്ണന്‍ പട്ടേരിയാണ്.
