‘ഉയരെ’ ചിത്രത്തിന് നാല് വര്‍ഷങ്ങള്‍ക്ക് ശേഷം എസ് ക്യൂബ് ഫിലിംസിന്‍റെ ബാനറില്‍ ഗൃഹലക്ഷ്മി പ്രൊഡക്ഷന്‍സ് നിര്‍മിക്കുന്ന ചിത്രം ‘ജാനകീ ജാനേ’ മെയ് 12- നു തിയ്യേറ്ററിലേക്ക്. ഗൃഹലക്ഷ്മി പ്രൊഡക്ഷന്‍സ് അവതരിപ്പിക്കുന്ന എസ് ക്യൂബ് ഫിലിംസിന്‍റെ ബാനറില്‍ ആദ്യമായി ഇറങ്ങിയ ചിത്രമായിരുന്നു ‘ഉയരെ’ എന്നാരംഭിച്ചു കൊണ്ടാണ് ഫേസ്ബൂക്ക് പോസ്റ്ററില്‍ റിലീസ് തീയതി പ്രഖ്യാപിച്ചത്.
‘ജാനകി ജാനേ’ പൂര്‍ണമായും ഒരു കുടുംബ ചിത്രമാണെന്നും അത് നിങ്ങളെ നിരാശപ്പെടുത്തില്ലെന്നും പോസ്റ്ററില്‍ വ്യക്തമാക്കുന്നുണ്ട്. അനീഷ് ഉപാസന സംവിധാനം ചെയ്യുന്ന ചിത്രത്തില്‍ സൈജു കുറുപ്പും നവ്യാനായരും പ്രധാന വേഷത്തിലെത്തുന്നു.
