സിനിമ- സീരിയല്‍ അഭിനേതാവ് കൈലാസ് നാഥ് അന്തരിച്ചു

സിനിമ- സീരിയല്‍ താരം കൈലാസ് നാഥ് (65) അന്തരിച്ചു. സിനിമകളിലും സീരിയലുകളിലുമായി ശ്രദ്ധേയ വേഷങ്ങള്‍ കൈകാര്യം ചെയ്തിട്ടുണ്ട്. എറണാകുളത്തുള്ള  സ്വകാര്യ ആശുപത്രിയില്‍ കരള്‍ രോഗ ബാധിതനായി ചികിത്സയിലായിരുന്നു. ഇന്ന് ഉച്ചയ്ക്ക് മൂന്നരയോടെയായിരുന്നു അന്ത്യം സംഭവിച്ചത്. 1977- ല്‍ പുറത്തിറങ്ങിയ സംഗമം എന്ന ചിത്രത്തിലൂടെ അഭിനയ രംഗത്തേക്ക് ചുവടു വച്ചു. ശ്രീകുമാരന്‍ തമ്പിയുടെ സഹസംവിധായകനായി പ്രവര്‍ത്തിച്ചിട്ടുണ്ട്. ഫിലിം ഇന്‍സ്റ്റിട്ട്യൂട്ടില്‍ ആയിരുന്നു പഠനം. മലയാളത്തിലും തമിഴിലുമായി നിരവധി കഥാപാത്രങ്ങള്‍ക്ക് വേഷമിട്ടു. അവസാനമായി അഭിനയിച്ചത് ഏഷ്യാനെറ്റിലെ സാന്ത്വനം സീരിയലില്‍ പിള്ളച്ചേട്ടന്‍ എന്ന കഥാപാത്രമായിട്ടാണ്. രോഗം മൂര്‍ച്ഛിച്ചതോടു കൂടി അഭിനയരംഗത്ത് നിന്നും വിട്ടു നില്‍ക്കുകയായിരുന്നു. സംസ്കാരം നാളെ.