അഖിൽ അനിൽകുമാർ സംവിധാനം ചെയ്ത് അർജുൻ അശോകൻ പ്രധാന കഥാപാത്രമായി എത്തുന്ന ചിത്രം ‘തലേവര’ ആഗസ്ത് 15- നു തിയ്യേറ്ററുകളിൽ പ്രദർശനത്തിന് എത്തുന്നു. മഹേഷ് നാരായണനും ഷെബിൻ ബക്കറും ചേർന്നാണ് ചിത്രം നിർമ്മിക്കുന്നത്. ഇതിനോടകം പുറത്തിറങ്ങിയ ചിത്രത്തിലെ ഗാനങ്ങളും ഏറെ ശ്രദ്ധിക്കപ്പെട്ടു. രേവതി ശർമ്മയാണ് ചിത്രത്തിൽ നായികയായി എത്തുന്നത്. ടേക്ക് ഓഫ്, സി യു സൂൺ, മാലിക്ക്, അറിയിപ്പ് തുടങ്ങിയവയാണ് മഹേഷ് നാരായണന്റെ ശ്രദ്ധേയ സിനിമകൾ. സൂപ്പർ ശരണ്യ, തണ്ണീർ മത്തൻ ദിനങ്ങൾ, ടേക്ക് ഓഫ് , ചാർലി എന്നിവയാണ് ഷെബിൻ ബക്കർ നിർമ്മിച്ച സിനിമകൾ.
ദേവദർശി ചേതൻ, ആതിര മറിയം, അഭിറാം രാധാകൃഷ്ണൻ, ഷാജു ശ്രീധർ, അശ്വത് ലാൽ, ഹരീഷ് കുമാർ, അശോകൻ, സോഹന് സീനുലാൽ, മുഹമ്മദ് റാഫി, ഷെബിൻ ബെൻസൺ, രാജേശ്വരി, മനോജ് മോസസ്, എന്നിവരാണു ചിത്രത്തിലെ മറ്റ് അഭിനേതാക്കൾ. അഖിൽ അനിൽ കുമാറും അപ്പു അസ്ലം എന്നിവരാണു തിരക്കഥ തയ്യാറാക്കിയിരിക്കുന്നത്. ഛായാഗ്രഹണം അനിരുദ്ധ അനീഷ്, സംഗീതം ഇലക്ട്രോണിക് കിലി, എഡിറ്റിങ് രാഹുൽ രാധാകൃഷ്ണൻ ഗാനരചന മുത്തു , ടിറ്റോ പി തങ്കച്ചൻ.
