മികച്ച 250 സിനിമകളിൽ 35 മലയാള സിനിമകൾ; ഏറ്റവും കൂടുതൽ റേറ്റിങ് ലഭിച്ച മലയാള ചിത്രമായി ‘ഹോം’

ഇന്ത്യൻ സിനിമയിൽ ഏറ്റവും കൂടുതൽ റേറ്റിംഗ് നേടിയിട്ടുള്ള 250 ചിത്രങ്ങളുടെ പട്ടിക വിട്ട് ഓൺലൈൻ ഡാറ്റാ ബേസ്  ആയ ഐഎംഡിബി പുറത്ത് വിട്ടു. ഇതിൽ 35 ചിത്രങ്ങൾ മലയാളത്തിൽ നിന്നുള്ളതാണ്. ഇന്ദ്രൻസ് കേന്ദ്രകഥാപാത്രമായി എത്തിയ ‘ഹോം’ ആണ് ഏറ്റവും കൂടുതൽ റേറ്റിംഗ് ലഭിച്ച മലയാള ചിത്രം. എട്ടാം സ്ഥാനത്താണ് ഹോം ഉള്ളത്. ഒന്പതാം സ്ഥാനത്ത് മണിച്ചിത്രത്താഴും പതിനാലാമത് കുമ്പളങ്ങി നൈറ്റ്സും ആണ് ‘ഹോം’ ന് ശേഷം സ്ഥാനം പിടിച്ചിരിക്കുന്നത്. 180 സ്ഥാനത്താണ് റേറ്റിങ് നേടിയ മമ്മൂട്ടി ചിത്രമായ പ്രാഞ്ചിയേട്ടൻ. എല്ലാ ഇന്ത്യൻ ഭാഷയിലെയും ചിത്രങ്ങളുടെ പട്ടിക തയ്യാറാക്കിക്കൊണ്ട് തങ്ങളുടെ പ്ലാറ്റ്ഫോമിൽ സ്ഥിരമായി വോട്ട് ചെയ്യുന്ന പ്രേക്ഷകരിലൂടെയാണ് തിരഞ്ഞെടുക്കപ്പെട്ടതെന്നു ഐഎംഡിബി വ്യക്തമാക്കുന്നു.