സരസ്വതി ഫിലിംസിന്റെ ബാനറിൽ ബിജോയ് ബാഹുലേയൻ നിർമ്മിച്ച് മധു കെ. കൃഷ്ണൻ സംവിധാനം ചെയ്യുന്ന ‘എന്റെ കല്യാണം ഒരു മഹാസംഭവം’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ജെയിൻ കെ. പോൾ, സുനിൽ സുഗത, വിഷ്ണുജ വിജയ്, മഞ്ജു പത്രൊസ് എന്നിവരാണു പ്രധാനകഥാപാത്രങ്ങളായി എത്തുന്നത്. നന്ദ കിഷോർ, സക്കീർ ഹുസൈൻ, കിരൺ സരിഗ, ഷിബു സി ആർ, ആരതി സേതു, സുനിൽ സൂര്യ, ശ്യാം മാങ്ങാട്, ഷിജു പടിഞ്ഞാറ്റിൻ കര, ബൈജുക്കുട്ടൻ, ഐശ്വര്യ ബൈജു, അനുഷ്ക പാലക്കാട്, വിഷ്ണു വി സുരേഷ്, മുഹമ്മദ് ഹിസൻ, സ്റ്റാലിൻ കുമ്പളം, കൊല്ലം സിറാജ്, അമൽ ജോൺ, വിജയ് ശങ്കർ, ശൈലജ, കീർത്തി ശ്രീജിത്ത്, അരുൺകൃഷ്ണൻ, ലക്ഷ്മി കായംകുളം, അലൻ വി എന്നിവരാണു ചിത്രത്തിലെ മറ്റ് അഭിനേതാക്കൾ.
ഛായാഗ്രഹണം നജീബ് ഷാ, ബിജോയ് ബി യുടെ കഥയ്ക്ക് സജി ദാമോദർ തിരക്കഥ എഴുതുന്നു. വരികൾ കാവാലം നാരായണപ്പണിക്കർ, രാധാമണി ശ്രീജിത്ത്, കാർത്തിക് എൻ കെ അമ്പലപ്പുഴ, സംഗീതം പകരുന്നത് ബാബു നാരായണൻ, സുമേഷ് ആനന്ദ്, എന്നിവരാണ്. പാടുന്നത് അൻവർ സാദത്തും നിഖിൽ മാത്യുവും റാം ദേവ് ഉദയകുമാറും ശാലിനി കൃഷ്ണയും ചേർന്നാണ്.
