ശ്രീനിവാസന്‍, വിനീത് ശ്രീനിവാസന്‍, ഷൈന്‍ ടോം ചാക്കോ തുടങ്ങിയവരെ പ്രധാന കഥാപാത്രങ്ങളാക്കി പുതുമുഖമായ ജയലാല്‍ ദിവാകരന്‍ സംവിധാനം ചെയ്ത ചിത്രം ‘കുറുക്കന്‍’ തിയ്യേറ്ററുകളില്‍ വിജയകരമായി പ്രദര്‍ശനം തുടരുന്നു. കൌശലക്കാരനായ ‘കുറുക്കനെ’ കാണുവാന്‍ തിയ്യേറ്ററുകളിലേക്ക് ആളുകള്‍ എത്തുന്നു. വര്‍ണ്ണ ചിത്രയുടെ ബാനറില്‍ മഹാസുബൈര്‍ നിര്‍മ്മിച്ച ചിത്രത്തില്‍ മനു മഞ്ജിത്തിന്‍റെ വരികള്‍ക്ക് ഉണ്ണി ഇളയരാജ സംഗീതം പകരുന്നു. ഛായാഗ്രഹണം ജിബു ജേക്കബും തിരക്കഥ സംഭാഷണം മനോജ് റാംസിങ്ങും എഡിറ്റിങ് രഞ്ജിത് രഞ്ജന്‍ എബ്രാഹാമും നിര്‍വഹിക്കുന്നു.
സുധീര്‍ കരമന, അശ്വത് ലാല്‍, ശ്രീകാന്ത് മുരളി, ജോജി ജോണ്‍, ദിലീപ് മേനോന്‍, ബാലാജി ശര്‍മ്മ, കൃഷ്ണന്‍ ബാലകൃഷ്ണന്‍, നന്ദന്‍ ഉണ്ണി, മാളവിക മേനോന്‍, ശ്രുതി ജയന്‍, ഗൌരി നന്ദ, അഞ്ജലി സത്യനാഥ്, അസീസ് നെടുമങ്ങാട്, അന്‍സിബ ഹസ്സന്‍, തുടങ്ങിയവര്‍ ചിത്രത്തില്‍ പ്രധാന കഥാപാത്രങ്ങളായി എത്തുന്നു.
