മീരാജാസ്മിനും നരേനും പ്രധാന കഥാപാത്രങ്ങളായി എത്തുന്ന ക്വീൻ എലിസബത്തിലെ പുതിയ ട്രയിലർ പുറത്ത്. കണിശക്കാരിയായ ബോസായി മീരയും മീരയുടെ കാമുകനായി നരേനും ആണ് എത്തുന്നത്. വളരെ കാലങ്ങൾക്ക് ശേഷമാണ് നരേൻ മീരജാസ്മിൻ കൂട്ടുകെട്ട് മലയാളത്തിൽ ഉണ്ടാകുന്നത്. മീര ജാസ്മിൻ ഈ ചിത്രത്തിലൂടെ ശക്തമായ തിരിച്ചുവരവ് നടത്തിയിരിക്കുകയാണെന്നാണ് ട്രയിലർ കണ്ട പ്രേക്ഷകരുടെ അഭിപ്രായം.
എം പത്മകുമാർ സംവിധാനം ചെയ്യുന്ന കുടുംബ ചിത്രം ഡിസംബർ 29 ന് തിയ്യേറ്ററുകളിൽ പ്രദർശനത്തിനെത്തും. അച്ചുവിന്റെ അമ്മ, ഒരേ കടൽ, മിന്നാമിനിക്കൂട്ടം എന്നീ ചിത്രങ്ങളുടെ ഇടവേളയ്ക്ക് ശേഷം മീര ജാസ്മിനും നരേനും പ്രധാന കഥാപാത്രങ്ങളായി എത്തുന്ന സിനിമ കൂടിയാണിത്. ഒരു റൊമാന്റിക് കോമഡി എന്റർടൈമെന്റ് ചിത്രമാണ് ‘ക്വീൻ എലിസബത്ത്’. വെള്ളം, അപ്പൻ, പടച്ചോനേ ഇങ്ങള് കാത്തോളീ’ എന്നീ ഹിറ്റ് ചിത്രങ്ങളുടെ നിർമ്മാതാവ് രഞ്ജിത് മണബ്രാക്കാട്ട്, ബ്ലൂ മൌണ്ട് പ്രൊഡക്ഷൻസിന്റെ ബാനറിൽ എം പത്മകുമാർ, ശ്രീറാം മണബ്രക്കാട്ട് എന്നിവരാണ് ചിത്രത്തിന്റെ നിർമാണം.
