‘ഒരു ജാതി ഒരു മനുഷ്യന്‍’ എന്ന ചിത്രത്തിന് ശേഷം കെ. ഷമീര്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘മുറിവ്.’ സംവിധായകന്‍ അജയ് വാസുദേവും തിരക്കഥാകൃത്തും നിര്‍മ്മാതാവുമായ നിഷാദ് കോയയും ചിത്രത്തില്‍ പ്രധാന വേഷത്തിലെത്തുന്നു. വേ ടു ഫിലിംസിന്‍റെയും സിനിമ ക്രിയേറ്റിവ്സിന്‍റെയും ബാനറില്‍ നിര്‍മ്മിക്കുന്ന ചിത്രം മലയാളത്തിലും തമിഴിലും ഹിന്ദിയിലും കന്നഡയിലുമായി പാന്‍ ഇന്ത്യന്‍ തലത്തില്‍ പ്രദര്‍ശനത്തിനെത്തും. പുതുമുഖം കൃഷ്ണ പ്രവീണ നായികയായി എത്തുന്നു.
ഹരീഷ് എ വി ഛായാഗ്രഹണവും സുഹൈല്‍ സുല്‍ത്താന്‍ വരികളും യൂനസിയോ സംഗീതവും നിര്‍വഹിക്കുന്നു. ഷാരൂഖ് ഷമീര്‍, സൂര്യകല, ഇറാനിയന്‍ നടന്‍ റിയാദ് മുഹമ്മദ്, ഭഗത് വേണുഗോപാല്‍, അന്‍വര്‍ ലുവ, ദീപേന്ദ്ര, ജയകൃഷ്ണന്‍, ലിജി ജോയ്, തുടങ്ങിയ താരങ്ങള്‍ വേഷമിടുന്നു.
