മീര ജാസ്മിനും നരേനും പ്രധാന കഥാപാത്രങ്ങളായി എത്തുന്ന ചിത്രം ‘ക്വീൻ എലിസബത്തി’ന് ക്ലീൻ യു സർട്ടിഫിക്കറ്റ് ലഭിച്ചു. ഡിസംബർ 29 ന് ചിത്രം തിയ്യേറ്ററുകളിലേക്ക് പ്രദർശനത്തിന് എത്തും. എം പത്മകുമാർ സംവിധാനം ചെയ്യുന്ന കുടുംബ ചിത്രമാണിത്. അച്ചുവിന്റെ അമ്മ, ഒരേ കടൽ, മിന്നാമിനിക്കൂട്ടം എന്നീ ചിത്രങ്ങളുടെ ഇടവേളയ്ക്ക് ശേഷം മീര ജാസ്മിനും നരേനും പ്രധാന കഥാപാത്രങ്ങളായി എത്തുന്നത്. ഒരു റൊമാന്റിക് കോമഡി എന്റർടൈമെന്റ് ചിത്രം കൂടിയാണ് ‘ക്വീൻ എലിസബത്ത്’. വെള്ളം, അപ്പൻ, പടച്ചോനേ ഇങ്ങള് കാത്തോളീ’ എന്നീ ഹിറ്റ് ചിത്രങ്ങളുടെ നിർമ്മാതാവ് രഞ്ജിത് മണബ്രാക്കാട്ട്, ബ്ലൂ മൌണ്ട് പ്രൊഡക്ഷൻസിന്റെ ബാനറിൽ എം പത്മകുമാർ, ശ്രീറാം മണബ്രക്കാട്ട് എന്നിവരാണ് ചിത്രത്തിന്റെ നിർമാണം.
ചിത്രത്തിൽ ശ്വേതമേനോൻ, വി കെ പ്രകാശ്,രഞ്ജി പണിക്കർ, രമേശ് പിഷാരടി, മല്ലിക സുകുമാരൻ, ജൂഡ് ആൻറണി, ശ്രുതി രജനീകാന്ത്, ആര്യ, പേളി മാണി, നീന കുറുപ്പ്, സാനിയ ബാബു, മഞ്ജു പത്രൊസ്, ചിത്ര നായര്, വിനീത് വിശ്വം, തുടങ്ങിയവരാണ് മറ്റ് അഭിനേതാക്കൾ. കുട്ടിക്കാനം, കൊച്ചി, കോയമ്പത്തൂർ എന്നിവിടങ്ങളിലായി ഷൂട്ടിംഗ് പൂർത്തിയാക്കി. ഛായാഗ്രഹണം ജിത്തു ദാമോദർ, വരികൾ, ഷിബു ചക്രവർത്തി, അൻവർ അലി, സന്തോഷ് വർമ്മ, ജോ പോൾ, എഡിറ്റിങ് അഖിലേഷ് മോഹൻ.
