ഡിസംബർ 8 ന് ‘പുള്ളി’ തിയ്യേറ്ററുകളിലേക്ക് പ്രദർശനത്തിന്

ഡിസംബർ ഒന്നിന് റിലീസ് പ്രഖ്യാപിച്ചിരുന്ന അശോകൻ സംവിധാനം ചെയ്ത് ദേവ് മോഹൻ നായകനായി എത്തുന്ന ചിത്രത്തിന്റെ റിലീസ് തീയതി ഡിസംബർ 8 ലേക്ക് മാറ്റി. ചിത്രത്തിന്റെ റപുതുക്കിയ റിലീസ് തീയതി സോഷ്യൽ മീഡിയയിലൂടെയാണ് പുറത്ത് വിട്ടത്. കമലം ഫിലിംസിന്റെ ബാനറിൽ ടി ബി രഘുനാഥ് ആണ് ചിത്രം നിർമ്മിച്ചത്. ഒരു മാസ്സ് ആക്ഷൻ ത്രില്ലർ ചിത്രം കൂടിയാണ് പുള്ളി. ഇന്ദ്രൻസ്, സെന്തിൽ, ശ്രീജിത്ത് രവി, കലാഭവൻ ഷാജോൺ, സന്തോഷ് കീഴാറ്റൂർ, മീനാക്ഷി, വിജയകുമാർ, വെട്ടുകിളി പ്രകാശ്, ടീന ഭാട്ടിയ, പ്രതാപൻ, അബിൻ, ഭാനുമതി, രാജേഷ് ശർമ്മ, സുധി കോപ്പ, ഉണ്ണി രാജ്, ബിനോ, ഇന്ദ്രജിത്ത് ജഗൻ, തുടങ്ങിയവർ പ്രധാന വേഷത്തിൽ എത്തുന്നു. ഛായാഗ്രഹണം ബിനു കുര്യൻ, പശ്ചാത്തല സംഗീതം ബിജിബാൽ.