മലയാള ചലച്ചിത്ര സൌഹൃദ വേദിയുടെ പ്രേംനസീർ പുരസ്കാരങ്ങൾ പ്രഖ്യാപിച്ചു

മലയാള ചലച്ചിത്ര സൌഹൃദ വേദിയുടെ പ്രേംനസീർ പുരസ്കാരങ്ങൾ പ്രഖ്യാപിച്ചു. മികച്ച സാമൂഹിക പ്രസക്തിയുള്ള കുടുംബ ചിത്രമായി ;ജാനകി ജാനേ’ തിരഞ്ഞെടുത്തു. മികച്ച ചലച്ചിത്ര പ്രതിഭാ പുരസ്കാരങ്ങൾ സംവിധായകൻ വി എം വിനു, നിർമ്മാതാവും നടനുമായ എ വി അനൂപ് എന്നിവരെയാണ് തിരഞ്ഞെടുത്തത്. മികച്ച ചലച്ചിത്ര പ്രസിദ്ധീകരണത്തിന് ഒക്ടോബർ മാസത്തെ കൈതപ്രം പതിപ്പായ മാതൃഭൂമി സ്റ്റാർ ആൻഡ് സ്റ്റൈലിന് ലഭിച്ചു. മികച്ച ടെലിസീരിയൽ നടൻ: ഷാനവാസ് ഷാനു (സ്വയംവരം – മഴവിൽ മനോരമ), നോവൽ : ലബനാനിലെ മുന്തിരിത്തോപ്പും കുറേ നിഴലുകളും (ഡോക്‌ടർ ശശികല പണിക്കർ), ടെലിഫിലിം: അച്ഛൻ്റെ പൊന്നുമോൾ (നിർമ്മാണം : ഹസ്സൻകോയ, നല്ലളം), സംവിധായകൻ : ഗഫൂർ പൊക്കുന്ന് (ചുടു കണ്ണീരാൽ), നടൻ: ബാവ കുട്ടായി, നടി: സുശീല പപ്പൻ, ഗാനരചന : മനോജ്‌കുമാർ ഐശ്വര്യ, സംഗീതസംവിധായകൻ : പ്രത്യാശ്‌കുമാർ, ഗായകൻ : ഹനീഫ ചെലപ്രം, ഗായിക: അജിത ആനന്ദ്, ചലച്ചിത്ര ലേഖനം: ഡോക്‌ടർ എലൈൻ, ടെലിവിഷൻ ന്യൂസ് റിപ്പോർട്ടർ; അജീഷ് അത്തോളി (ജീവൻ ടി.വി.), ക്യാമറമാൻമാർ: ഋതികേശ് (മനോരമ ന്യൂസ്), സജി തറയിൽ (കേരള വിഷൻ ന്യൂസ് 24×7), രാഹുൽ മക്കട (എ.സി.വി.) എന്നിവരും പുരസ്‌കാരങ്ങൾക്ക് അർഹരായി. 2024 ജനുവരി 14 ഞായറാഴ്‌ച രാവിലെ 11 മണിക്ക് കോഴിക്കോട് അളകാപുരി ഹോട്ടലിൽ മുൻ കേന്ദ്രമന്ത്രി മുല്ലപ്പള്ളി രാമചന്ദ്രൻ അവാർഡുകൾ വിതരണം ചെയ്യും.