പ്ലാൻ ബി മോഷൻ പിക്ചേഴ്സിന്റെ ബാനറിൽ ഖാലിദ് റഹ്മാൻ, സമീർ കാരാട്ട്, ജോബിൻ ജോർജ്ജ്, സുബീഷ് കണ്ണഞ്ചേരി തുടങ്ങിയവർ നിർമ്മിച്ച് നസ്ലിൻ, ഗണപതി, ലുക് മാൻ എന്നിവർ പ്രധാനവേഷത്തിൽ എത്തുന്ന ചിത്രത്തിന്റെ പൂജ ചടങ്ങുകൾ എറണാകുളത്ത് വെച്ച് നടന്നു. അനുരാഗ കരിക്കിൻ വെള്ളം, ലവ്, തല്ലുമാല, ഉണ്ട തുടങ്ങിയ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രമാണ് ഇത്. ചിത്രത്തിന്റെ എല്ലാ അണിയറ പ്രവർത്തകരും ചടങ്ങിൽ സംബന്ധിച്ചു.
നസ്ലിൻ, ഗണപതി, ലുക് മാൻ അവറാൻ, ശിവ ഹരിഹരൻ, ബേബി ജീൻ, അനഘ രവി, ഷോൺ ജോയ്, നന്ദ നിഷാന്ത്, ഫ്രാങ്കോ ഫ്രാൻസിസ്, സന്ദീപ്, പ്രദീപ്, തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ. തിരക്കഥ ഖാലിദ് റഹ്മാൻ, ഛായാഗ്രഹണം ജിംഷി ഖാലിദ്, സംഗീതം വിഷ്ണു വിജയ്, എഡിറ്റിങ് നിഷാദ് യൂസഫ്, വരികൾ മുഹ്സിൻ പെരാരി.
