പുതിയ ചിത്രമായ കിങ് ഓഫ് കൊത്തയ്ക്ക് കിട്ടുന്ന അവിശ്വസനീയമായ സ്വീകാര്യത തന്നെ പേടിപ്പെടുത്തുന്നുവെന്നും ആദ്യ പോസ്റ്റര് ഇറങ്ങിയപ്പോള് ലഭിച്ച റിസല്ട്ടു പ്രതീക്ഷിച്ചതിനും അപ്പുറമാണെന്നും ഇത് തന്നെ ഭയപ്പെടുത്തുന്നുവെന്നും ദുല്ഖര് സല്മാന് മാധ്യമങ്ങളോട് പറഞ്ഞു. കിങ് ഓഫ് കൊത്തയുടെ പ്രചാരണ പരിപാടിയില് സംസാരിക്കുകയായിരുന്നു അദ്ദേഹം.
ആഗസ്ത് 24- നു പുറത്തിറങ്ങാന് ‘കിങ് ഓഫ് കൊത്ത’യ്ക്കിനി നാല് ദിനങ്ങള് ബാക്കി. പ്രീ ബുക്കിങില് ഒരുകോടിയിലേറെ ഇതിനോടകം തന്നെ ലഭിച്ചു കഴിഞ്ഞു. ഓണത്തിന് പ്രേക്ഷകരിലേക്ക് ചിത്രം ആവേശത്തോടെ എത്തുവാനായി കിടിലന് ട്രയിലരും പ്രചാരണവുമാണ് അണിയറപ്രവര്ത്തകര് സംഘടിപ്പിച്ചിരിക്കുന്നത്. ദുല്ഖര് സല്മാന്റെ പാന് ഇന്ത്യന് ചിത്രമാണ് കിങ് ഓഫ് കൊത്ത. മലയാള സിനിമയുടെ ചരിത്രത്തിലാദ്യമായി ചിത്രത്തിന്റെ പ്രമോഷന് ന്യൂയോര്ക്കിലെ ടൈംസ് സ്ക്വയറിലും എത്തി.
അഭിലാഷ് ജോഷി സംവിധാനം ചേത കിങ് ഓഫ് കൊത്തയ്ക്ക് വന് വരവേല്പ്പാണ് കിട്ടിക്കൊണ്ടിരിക്കുന്നത്. തികച്ചും സവിശേഷമായ പ്രചാരണ പരിപാടിയാണ് കിങ് ഓഫ് കൊത്തയുടേത്. വ്യത്യസ്ത ഭാഷകളില് നിര്മ്മിച്ച കിങ് ഓഫ് കൊത്തയില് ദുല്ഖറിനൊപ്പം ഐശ്വര്യ ലക്ഷ്മി, പ്രസന്ന, ഷമ്മി തിലകന്, ഗോകുല് സുരേഷ്, ഷബീര് കല്ലറയ്ക്കല്, അനിഖ സുരേന്ദ്രന്, ശാന്തി കൃഷ്ണ തുടങ്ങിയവരും അഭിനയിക്കുന്നു. സീ സ്റ്റുഡിയോസും ദുല്ഖറിന്റെ വെഫെറര് ഫിലിംസും ചേര്ന്ന് നിര്മ്മിച്ച കിങ് ഓഫ് കൊത്തയുടെ ഛായാഗ്രഹണം നിമീഷ് രവിയും സംഗീതം ജേക്സ് ബിജോയിയും ഷാന് റഹ്മാനും നിര്വഹിക്കുന്നു.
