ബേസിൽ ജോസഫ്, ടോവിനോ തോമസ്, വിനീത് ശ്രീനിവാസനും പ്രധാന കഥാപാത്രങ്ങളായി എത്തുന്ന ചിത്രം ‘അതിരടി’യുടെ ടൈറ്റിൽ പോസ്റ്റർ പുറത്തിറങ്ങി. ഒരു മാസ്റ്റർ എന്റർടൈമെന്റ്സ് മൂവിയാണ് ‘അതിരടി’. ഡോക്ടർ അനന്തു എസ്. ആണ് ചിത്രം നിർമ്മിക്കുന്നത്. മിന്നൽ മുരളി എന്ന ചിത്രത്തിന്റെ തിരക്കഥാകൃത്തുക്കളിൽ ഒരാളായ അരുൺ അനിരുദ്ധൻ ആണ് ചിത്രം സംവിധാനം ചെയ്യുന്നത്.
ഒക്ടോബർ മാസം ചിത്രത്തിന്റെ ഷൂട്ടിംഗ് തുടങ്ങും. ചിത്രത്തിന് തിരക്കഥ ഒരുക്കുന്നത് പോൾസൺ സ്കറിയ, അനിൽ അനിരുദ്ധൻ എന്നിവരാണു. മലയാളം, തമിഴ്, തെലുങ്ക്, ഹിന്ദി, കന്നഡ, എന്നീ ഭാഷകളിലും സിനിമ പ്രദർശനത്തിന് എത്തും. സംഗീതം വിഷ്ണു വിജയ്, ഛായാഗ്രഹണം സാമുവൽ ഹെന്റി, എഡിറ്റിങ് ചമൻ ചാക്കോ.
