മലയാള ചലച്ചിത്ര സൌഹൃദവേദി പ്രേംനസീർ പുരസ്കാരങ്ങൾ സമ്മാനിച്ചു

മലയാള ചലച്ചിത്ര സൌഹൃദവേദിയുടെ പ്രേംനസീർ പുരസ്കാരങ്ങൾ സമ്മാനിച്ചു. മുൻകേന്ദ്രമന്ത്രി മുല്ലപ്പള്ളി രാമചന്ദ്രൻ ഉത്ഘാടനവും അധ്യക്ഷത തിരക്കഥാകൃത്ത് പി ആർ നാഥനും നിർവഹിച്ചു. മികച്ച സിനിമയ്ക്കുള്ള പരസ്കാരം ‘ജാനകി ജാനേ’യുടെ നിർമ്മാതാക്കളായ ഷെർഗ സന്ദീപ്, ഷെഹ്ന തുടങ്ങിയവർ ഏറ്റുവാങ്ങി. മലയാളത്തിലെ മികച്ച ചലച്ചിത്ര പ്രസിദ്ധീകരണത്തിനുള്ള പുരസ്കാരം മാതൃഭൂമി ആൻഡ് സ്റ്റൈൽ മാസികയ്ക്ക് വേണ്ടി പി. പ്രജിത്ത്, രേഖ നമ്പ്യാർ തുടങ്ങിയവർ അവാർഡ് സ്വീകരിച്ചു. സംവിധായകൻ സമദ് മങ്കട, എം വി കുഞ്ഞാമു, ഗിരീഷ് പെരുവയൽ, റഹീം പൂവാട്ടുപറമ്പ്, ഫസൽ പറമ്പാടൻ, തുടങ്ങിയവർ പ്രസംഗിച്ചു.