ധ്യാൻ ശ്രീനിവാസനെ നായകനാക്കി രാജേഷ് അമനക്കര സംവിധാനം, തിരക്കഥയും ഒരുക്കുന്ന ചിത്രം ‘കല്യാണമര’ത്തിന്റെ പൂജാ ചടങ്ങുകൾ കൊച്ചിയിൽ വെച്ച് നടന്നു. മറിയം സിനിമാസിന്റെ ബാനറിൽ സാജി കെ. ഏലിയാസ് ആണ് ചിത്രത്തിന്റെ നിർമ്മാണം. വിദ്യാ രാജേഷിന്റെ കഥയ്ക്ക് പ്രദീപ് കെ. നായർ സംഭാഷണം ഒരുക്കുന്നു.ധ്യാൻ ശ്രീനിവാസനെ കൂടാതെ, ‘മാളികപ്പുറം’ എന്ന ചിത്രത്തിലൂടെ ശ്രദ്ധേയയായ ബാലതാരം ദേവനന്ദ, മീരാ വാസുദേവൻ, പ്രശാന്ത് മുരളി, മനോജ് കെ. യു, നോബി മാർക്കോസ്, മഞ്ജു വിജേഷ് എന്നിവരും പ്രധാന വേഷങ്ങളിലുണ്ട്.
ഛായാഗ്രഹണം: രാജീഷ് രാമൻ, എഡിറ്റിംഗ്: രതിൻ രാധാകൃഷ്ണൻ, സംഗീതം: അജയ് ജോസഫ്. ‘കല്യാണമരം’ യുവജനങ്ങൾക്കും കുടുംബപ്രേക്ഷകർക്കും ഒരുപോലെ ആസ്വദിക്കാൻ കഴിയുന്ന ഒരു റൊമാന്റിക്-ഫൺ-ഫാമിലി എന്റർടെയ്നറായിരിക്കുമെന്ന് പ്രതീക്ഷിക്കുന്നുവെന്ന് അണിയറ പ്രവർത്തകർ പറഞ്ഞു.
