കൊല്ലപ്പള്ളി ഫിലിംസിന്റെ ബാനറിൽ ദിനേശ് കൊല്ലപ്പിള്ളി സംവിധാനം ചെയ്യുന്ന ത്രില്ലർ ചിത്രം പാർട്ട്നേഴ്സ് ജൂൺ 28 ന് തിയ്യേറ്ററുകളിൽ പ്രദർശനത്തിന് എത്തുന്നു. ധ്യാൻ ശ്രീനിവാസനും ഷാജോണും ആണ് പ്രധാനകഥാപാത്രങ്ങളായി എത്തുന്നത്. നവീൻ ജോൺ ആണ് ചിത്രത്തിന്റെ സംവിധാനം. ചിത്രത്തിന്റെ തിരക്കഥ പ്രശാന്ത് കെ വി, ഹരിപ്രസാദ് നവീൻ ജോൺ എന്നിവർ ചേർന്ന് നിർവഹിക്കുന്നു. 1989 ൽ കർണ്ണാടക അതിർത്തി ഗ്രാമത്തിൽ വെച്ച് നടന്ന സംഭവകഥയാണ് പ്രമേയം.
തമിഴ് നടിയായ സാറ്റ്ന ടൈറ്റസ് ആണ് നായിക. സഞ്ജു ശിവറാം, ഹരീഷ് പേരടി, ദേവിക രാജേന്ദ്രൻ, നീരജ ശിവദാസ്, രാജേഷ് ശർമ, ശ്രീകാന്ത് മുരളി, ഡോ; റോണി, വൈഷ്ണവി, തെലുങ്ക് താരം മധുസൂദന റാവു, അനീഷ് ഗോപാൽ തുടങ്ങിയവരും പ്രധാന കഥാപാത്രങ്ങളായി എത്തുന്നു. ഛായാഗ്രഹണം ഫൈസൽ അലി, എഡിറ്റിങ് സുനിൽ എസ് പിള്ള.
