മാതാ ഫിലിംസിന്റെ ബാനറിൽ ഷിജു പനവൂർ എഴുതി സംവിധാനം ചെയ്യുന്ന ഏറ്റവും പുതിയ ചിത്രം ‘’എന്നിട്ടും നീയെന്നെ അറിഞ്ഞില്ലല്ലോ’ മാർച്ച് 23- ന് തിയ്യേറ്ററുകളിലേക്ക് എത്തുന്നു. അപ്രതീഷിതമായി രാത്രിയിൽ ബസിന് മുന്നിലേയ്ക്ക് എടുത്തു ചാടുന്ന ഒരു അമ്മയും കുഞ്ഞും. തലനാരിഴയ്ക്ക് രക്ഷപ്പെട്ട് അതേ ബസിൽ യാത്ര ചെയ്യുന്ന ഇരുവരെയും സഹായിക്കുന്ന അതേ ബസിലെ മാധവൻ എന്ന ആൾ.
തികച്ചും ഏറെ ദുരൂഹത നിറഞ്ഞ ‘എന്നിട്ടും നീയെന്നെ അറിഞ്ഞില്ലല്ലൊ’ എന്ന ചിത്രത്തിൽ രേണു സൌന്ദർ, പൌളി വത്സൻ, ജിൻ വി ആന്റോ, പത്മരാജ് രതീഷ്, സജി വെഞ്ഞാറമ്മൂട്, ഷിബു ലബാൻ, നാൻസി, ശിവമുരളി, കണ്ണൻ സാഗർ, അരിസ്റ്റോ സുരേഷ്, തുടങ്ങിയവർ പ്രധാന കഥാപാത്രമായി എത്തുന്നു. നിർമ്മാണം എ വിജയൻ, ട്രിനിറ്റി ബാബു, ബൽരാജ് റെഡ്ഡി ആർ, ക്രിസ്റ്റി ഭായ് സി, ഛായാഗ്രഹണം ജഗദീഷ് വി വിശ്വം, എഡിറ്റിങ് അരുൺ ആർ എസ്, ഗാനരചന സനൽകുമാർ വള്ളിക്കുന്നം, സംഗീതം രാജ്മോഹൻ വെള്ളനാട്, ആലാപനം നജീം അർഷാദ്, അരിസ്റ്റോ സുരേഷ്, അഖില ആനന്ദ്, ശ്രീതു മോഹൻ.
