സീ ഫോർ സിനിമാസിന്റെ ബാനറിൽ ശ്രീകാന്ത് എസ് തിരക്കഥയെഴുതി സംവിധാനം ചെയ്യുന്ന ചിത്രം ഊടും പാവും എന്ന ചിത്രത്തിന്റെ ഷൂട്ടിംഗ് പുരോഗമിക്കുന്നു. ബാലരാമപുരം എന്ന കൈത്തറി നെയ്ത്ത് കേന്ദ്രത്തിന്റെ പശ്ചാത്തലത്തിലാണ് സിനിമ ഒരുങ്ങുന്നത്. എം ആർ ഗോപകുമാർ ആണ് ചിത്രത്തിലെ പ്രധാനകഥാപാത്രമായ അപ്പു സാലിയ ആയി എത്തുന്നത്. ഒരു എന്റർടൈമെന്റ് മൂവിയായിരിക്കും ഊടും പാവും. ചെമ്പിൽ അശോകൻ സഹദേവൻ മുതലാളി എന്ന കഥാപാത്രമായും എത്തുന്നു. അജി ചന്ദ്രശേഖരുടേതാണ് കഥ.
കൈലേഷ്, മാന്നാർ അയൂബ്, നോയൽ ബിനു, സൂര്യ കുറുപ്പ്, ആദർശ്, ഡോ ഷാജു, ഇന്ദ്രജിത്ത് സുനിൽ, സേതുലക്ഷ്മി, സന്തോഷ് നടരാജ്, ആവന്തിക, മോനി നാവായിക്കുളം, രാഹുൽ, ത്രിദീപ് കടയ്ക്കൽ, നഗരൂർഷാ, തുടങ്ങിയവരും ചിത്രത്തിൽ പ്രധാനകഥാപാത്രങ്ങളായി എത്തുന്നുണ്ട്. ഗാനങ്ങൾ പൂവച്ചൽ ഹുസൈൻ, ഛായാഗ്രഹണം ഹാരിസ് അബ്ദുള്ള, സംഗീതം വിനു ചാത്തന്നൂർ, ബാലരാമപുരം, തിരുവനന്തപുരം, ആറ്റിങ്ങൽ എന്നിവിടങ്ങളിലായി ഷൂട്ടിംഗ് പുരോഗമിക്കുന്നു.
