സുരാജും വിനായകനും പ്രധാനകഥാപാത്രങ്ങളായി എത്തുന്ന ചിത്രം തെക്ക് വടക്കി’ന്റെ ഏറ്റവും പുതിയ ടീസർ പുറത്തിറങ്ങി. രസകരമായ ടീസറാണ് റിലീസ് ആയിരിക്കുന്നത്. കെ എസ് ഇ ബി എഞ്ചിനീയറായ മാധവനും അരിമിൽ ഉടമ ശങ്കുണ്ണിയുമായാണ് ഇരുവരും എത്തുന്നത്. ജെല്ലിക്കെട്ട്, നൻപകൽ നേരത്ത് മയക്കം, ചുരുളി എന്നീ ചിത്രങ്ങൾക്ക് ശേഷം നോവലിസ്സ് എസ് ഹരീഷ് എഴുതി പ്രേംശങ്കർ സംവിധാനം ചെയ്യുന്ന ഈ ചിത്രത്തിന്റെ ടീസർ ഏറ്റെടുത്തിരിക്കുകയാണ് പ്രേക്ഷകർ. ഇവർക്കിടയിൽ നടക്കുന്ന താമശകളുടെ രസകരമായ സംഭവമുഹൂർത്തങ്ങളാണ് സിനിമയിലുടനീളം.
മിന്നൽ മുരളി, ആർഡിഎക്സ് എന്നീ സിനിമകളുടെ സഹാനിർമാതാക്കളായ അൻജന ഫിലിപ്പും ഒടിയൻ സിനിമയുടെ സംവിധായകൻ വി എ ശ്രീകുമാറും ചേർന്ന് രൂപീകരിച്ച സിനിമാ നിർമ്മാണ സംരഭത്തിന്റെ ആദ്യ സിനിമയാണ് തെക്ക് വടക്ക്. കോട്ടയം രമേശ്, മെൽവിൻ ജി ബാബു, സ്നേഹ, ശീതൾ, മഞ്ജു ശ്രീ, മെറിൻ ജോസ്, ബാലൻ പാലക്കൽ, വിനീത് വിശ്വം, ജെയിംസ് പാറയ്ക്കൽ, ഷമീർ ഖാൻ എന്നിവർആണ് ചിത്രത്തിലെ മറ്റ് അഭിനേതാക്കൾ. സാം സി എസ് ആണ് ചിത്രത്തിലെ ഗാനങ്ങൾക്കു സംഗീതവും ചിത്രത്തിന് പശ്ചാത്തല സംഗീതവും ഒരുക്കുന്നത്. വരികൾ ലക്ഷ്മി ശ്രീകുമാർ, ഛായാഗ്രഹണം സുരേഷ്, എഡിറ്റിങ് കിരൺ ദാസ്. ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ പുരോഗമിക്കുന്നു
