അജൻ എന്ന ട്രാൻസ് ജെൻഡറിന്റെ കഥയുമായി പി കെ ബിജു വരുന്നു. പുരുഷനായി ജനിക്കുകയും സ്ത്രീയായി ജീവിക്കുവാൻ ആഗ്രഹിക്കുകയും ചെയ്യുന്ന വ്യക്തിയുടെ കഥയാണ് ആൺഗർഭം. പി കെ ബിജുവിന്റേതാണ് കഥയും തിരക്കഥയും കലാസംവിധാനവും സംവിധാനവും.
ചിൽ മീഡിയ പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രമാണ് ആൺഗർഭം. മാള, ചാലക്കുടി എന്നിവിടങ്ങളിലായി ചിത്രീകരണം നടക്കും. ബിജി കോഴിക്കോട്, ഷെഫീഖ് പാടത്ത്, ഷാജിക്ക ഷാജി, ബിജുകുമാർ ആറ്റിങ്ങൽ, നിസാർ റംജാൻ, ആൻറണി പോൾ, ബാലചന്ദ്രൻ ഇടപ്പള്ളി, രതീഷ് കോഴിക്കോട്, ശോഭകുമാർ തിരുവനന്തപുരം, രാജിനി പത്തനംതിട്ട തുടങ്ങിയവർ പ്രധാനകഥാപാത്രങ്ങളായി എത്തുന്നു. ഛായാഗ്രഹണം ഷാനവാസ് മുത്ത്, പശ്ചാത്തലസംഗീതം അരുൺ പ്രസാദ്.
