സത്യന്‍ അന്തിക്കാടും ശ്രീനിവാസനും വീണ്ടും ഒന്നിക്കുന്നു; പുതിയ സിനിമയ്ക്കായുള്ള കാത്തിരിപ്പില്‍ മലയാളികള്‍

“എന്‍റെ അടുത്ത സിനിമയ്ക്കായി ഞാന്‍ ശ്രീനിക്കൊപ്പം ഇരിക്കുന്നു”, അനൂപ് സത്യനോട് സത്യന്‍ അന്തിക്കാട് പറഞ്ഞ ഈ വാക്കുകളും  ഇരു കുടുംബങ്ങളും ഒന്നിച്ചിരുന്നുള്ള ചിത്രവും അനൂപ് സത്യന്‍ ഫേസ് ബുക്കില്‍ പങ്ക് വച്ചു. സത്യന്‍ അന്തിക്കാടിന്‍റെ ഭാര്യ നിമ്മിയെയും ശ്രീനിവസന്‍റെ ഭാര്യ വിമലയെയും ചിത്രത്തില്‍ കാണാം. സത്യന്‍ അന്തിക്കാടിന്‍റെ അന്തിക്കാടുള്ള വീട്ടില്‍ വച്ചായിരുന്നു കൂടിക്കാഴ്ച.1986- ല്‍ പുറത്തിറങ്ങിയ ടി പി ബാലഗോപാലന്‍ എം എ എന്ന ചിത്രത്തിലൂടെയാണ് ശ്രീനിവാസനും സത്യന്‍ അന്തിക്കാടും ആദ്യമായി ഒന്നിക്കുന്നത്. പിന്നീട് സത്യന്‍ അന്തിക്കാട് – ശ്രീനിവാസന്‍ കൂട്ടുകെട്ടില്‍ നിരവധി ഹിറ്റ് സിനിമകള്‍ മലയാളത്തിന് സ്വന്തമായി. നാടോടിക്കാറ്റ്, പട്ടണത്തില്‍ പ്രവേശം, സന്മനസ്സുള്ളവര്‍ക്ക് സമാധാനം, മകള്‍, ഞാന്‍ പ്രകാശനാണ്, തുടങ്ങിയവ ഉദാഹരണങ്ങള്‍. ഞാന്‍ പ്രകാശനാണ് എന്ന സത്യന്‍ അന്തിക്കാട് ചിത്രത്തിലാണ് ഇരുവരും അവസാനമായി ഒന്നിച്ചിട്ടുള്ളത്.