70- ദേശീയ ചലച്ചിത്ര പുരസ്കാരം ഈ മാസം പ്രഖ്യാപിക്കും

2022- എഴുപതാം ദേശീയ ചലച്ചിത്ര പുരസ്കാരം ഈ മാസം പ്രഖ്യാപിക്കും. പുരസ്കാരത്തിനായി 2022 ജനുവരി മുതൽ ഡിസംബർ 31 വരെ സെൻസർ ചെയ്ത ചിത്രങ്ങളാണ് പരിഗണിക്കുക. മലയാളത്തിലെ മമ്മൂട്ടിയും കന്നഡ നടൻ ഋഷഭ് ഷെട്ടിയുമാണ് മികച്ച നടനുള്ള പുരസ്കാരത്തിനായി മത്സരിക്കുന്നത്. ലിജോജോസ് പെല്ലിശ്ശേരി സംവിധാനം ചെയ്ത ‘നൻപകൽ നേരം മയക്ക’ത്തിലെ അഭിനയത്തിന് മമ്മൂട്ടി സിനിമാലോകത്തിന്റെ ശ്രദ്ധ നേടിയിരുന്നു. കാന്താര എന്ന ബ്രഹ്മാണ്ഡ ചിത്രത്തിലെ മികച്ച അഭിനയത്തിലൂടെയാണ് ഋഷഭ് ഷെട്ടിയെ പരിഗണിക്കുന്നത്. ഈ ചിത്രത്തിന്റെ തിരക്കഥയും സംവിധാനവും ഋഷഭ് ഷെട്ടി തന്നെയാണ്. ഒക്ടോബറിലാണ് പുരസ്കാരങ്ങൾ സമ്മാനിക്കുക.