കോമഡി എന്റർടൈനർ ചിത്രം ‘പാലും പഴവും’ എന്ന ചിത്രത്തിന്റെ ഏറ്റവും പുതിയ സെക്കന്റ് ലുക്ക് പോസ്റ്റർ പുറത്തിറങ്ങി. ഓഗസ്ത് 23 ന് ചിത്രം തിയ്യേറ്ററിലേക്ക് പ്രദർശനത്തിന് എത്തും. എത്തും. മീരാ ജാസ്മിനും അശ്വിൻ ജോസുമാണ് പ്രധാനകഥാപാത്രങ്ങളായി എത്തുന്നത്. ആഷിഷ് രജനി ഉണ്ണികൃഷ്ണൻ ആണ് ചിത്രത്തിന്റെ കഥ, തിരക്കഥ, സംഭാഷണം എന്നിവ നിർവഹിക്കുന്നത്. ടു ക്രിയേറ്റീവ് മൈൻഡ്സിന്റെ ബാനറിൽ വിനോദ് ഉണ്ണിത്താനും സമീർ സെട്ടും ആണ് നിർമ്മാണം.
അശോകൻ, മണിയൻ പിള്ള രാജു, മിഥുൻ രമേശ്, നിഷ സാരംഗ്, ശാന്തി കൃഷ്ണ, സുമേഷ് ചന്ദ്രൻ, ആദിൽ ഇബ്രാഹിം, ബാബു സെബാസ്റ്റ്യൻ, രചന നാരായണൻ കുട്ടി, പ്രണവ് യേശുദാസ്, ഷിനു ശ്യാമളൻ, സന്ധ്യ രാജേന്ദ്രൻ, അർ ജെ സൂരജ്, റാം കുമാർ ഷമീർ ഖാൻ, ഫ്രാങ്കോ ഫ്രാൻസിസ്, വിനീത് രാമചന്ദ്രൻ, തുഷാര വെള്ളം,അപ്പൻ എന്നീ ചിത്രത്തിന്റെ നിർമാതാക്കളിൽ ഒരാളായ രഞ്ജിത് മണമ്പ്രക്കാട്ട് തുടങ്ങിയവർ ചിത്രത്തിൽ മറ്റ് കഥാപാത്രങ്ങളായി എത്തുന്നുണ്ട്. ഛായാഗ്രഹണം രാഹുൽ ദീപ്, എഡിറ്റിങ് പ്രവീൺ പ്രഭാകർ, പശ്ചാത്തല സംഗീതം ഗോപി സുന്ദർ.
