സുനിൽ ലക്ഷ്മണന്റെ തിരക്കഥയും സംവിധാനവും; ‘മഹിയാണ് നായകൻ’ ചിത്രത്തിന്റെ പൂജ നടന്നു

സുനിൽ ലക്ഷ്മണൻ തിരക്കഥയെഴുതി സംവിധാനം ചെയ്യുന്ന ‘മഹിയാണ് നായകൻ’ എന്ന ചിത്രത്തിന്റെ പൂജ ചടങ്ങുകൾ നടന്നു. തൃപ്പൂണിത്തുറ ലായം കൂത്തമ്പലത്തിൽ വെച്ചാണ് ചടങ്ങുകൾ നടന്നത്. ഭദ്രദീപം കൊളുത്തിക്കൊണ്ട് നടൻ ജയൻ ചേർത്തല തുടക്കം കുറിച്ചു. പുതുമുഖങ്ങളായ ലാൽ ഹരി, വിനു ഭായ്, എന്നിവരാണു പ്രധാനകഥാപാത്രങ്ങളായി എത്തുന്നത്.  ജയൻ ചേർത്തല, കോട്ടയം പുരുഷു, മൻരാജ്, നാരായണൻ കുറ്റി, രാജ സാഹിബ്, ലത ദാസ്, സീമ ജി നായർ, എന്നിവരാണു ചിത്രത്തിലെ മറ്റ് അഭിനേതാക്കൾ. എസ്. എം പി പ്രൊഡക്ഷൻസിന്റെ ബാനറിൽ ഈ ചിത്രം നിർമ്മിക്കുന്നത് എസ്. എസ് പവൻ ആണ്. ഛായാഗ്രഹണം പ്രസാദ് അറുമുഖൻ, ഗാനരചന ശ്രേയം ബൈജു, സംഗീതം സുനിൽ ലക്ഷ്മണൻ.