പത്മരാജന്‍റെ കഥയെ മുന്‍നിര്‍ത്തി നവാസ് അലി രചനയും സംവിധാനവും നിര്‍വഹിച്ച ‘പ്രാവി’ന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. നടന്‍ മമ്മൂട്ടിയാണ് പോസ്റ്റര്‍ റിലീസ് ചെയ്തത്. സി ഇ റ്റി സിനിമാസിന്‍റെ ബാനറില്‍ തകഴി രാജശേഖരന്‍ നിര്‍മ്മിക്കുന്ന ചിത്രത്തില്‍ അമിത് ചക്കാലക്കല്‍, സാബു മോന്‍, ആദര്‍ശ് രാജ,യാമി സോന,ഗായത്രി നമ്പ്യാര്‍, അജയന്‍ തകഴി, ഡിനി ദാനിയേല്‍, ടീന സുനില്‍, അലീന തുടങ്ങിയവര്‍ പ്രധാന കഥാപാത്രങ്ങളായി എത്തുന്നു.
തിരുവനന്തപുരത്തും സമീപ പ്രദേശങ്ങളിലുമായി ചിത്രത്തിന്‍റെ ഷൂട്ടിംഗ് നടന്നു. ആന്‍റണി ജോ,ഛായാഗ്രഹണവും ബി കെ ഹരിനാരായണന്‍ ഗാനരചനയും സംഗീതം ബിജിബാലും നിര്‍വഹിച്ചു. ചിത്രം സെപ്റ്റംബര്‍ 15- നു തിയ്യേറ്ററിലേക്ക് പ്രദര്‍ശനത്തിന് എത്തും.
